କାବୁଲ ଏୟାରପୋର୍ଟରେ ପୁଣି ଆତଙ୍କୀ ହମଲା ଆଶଙ୍କା,ସତର୍କ କଲା ଆମେରିକା

ଭୁବନେଶ୍ୱର(ବଡ଼ ଖବର ବ୍ୟୁରୋ): କାବୁଲ ଏୟାରପୋର୍ଟରେ ପୁଣି ଆତଙ୍କବାଦୀ ହମଲା ନେଇ ଆଶଙ୍କା ପ୍ରକାଶ ପାଇଛି । ଆସନ୍ତା ୨୪ରୁ ୩୬ଘଣ୍ଟା ମଧ୍ୟରେ ଏଭଳି ହମଲା ହୋଇପାରେ ବୋଲି ସୂଚନା ମିଳିବା ପରେ ଆଲର୍ଟ ଜାରି କରାଯାଇଛି । ଆମେରିକା ରାଷ୍ଟ୍ରପତି ଜୋ ବାଇଡେନ ସୂଚନା ଦେବା ପରେ ତୁରନ୍ତ କାବୁଲ ଏୟାରପୋର୍ଟ ଖାଲି କରିବାକୁ ନିର୍ଦ୍ଦେଶ ଦିଆଯାଇଛି । ଏୟାରପୋର୍ଟ ଖାଲି କରିବାକୁ ଆମେରିକା ଦୂତାବାସ ପକ୍ଷରୁ ନିର୍ଦ୍ଦେଶ ଦିଆଯାଇଛି ।

ମାତ୍ର କେଇଦିନ ତଳେ କାବୁଲ ଏୟାରପୋର୍ଟ ବାହାରେ ସିରିଜ ବିସ୍ଫୋରଣ ଘଟି ଶତାଧିକ ଲୋକଙ୍କ ମୃତ୍ୟୁ ଘଟିଥିବା ବେଳେ ବହୁ ଲୋକ ଆହତ ହୋଇଥିଲେ । ଆମେରିକାର ୧୩ସୈନିକଙ୍କ ମୃତ୍ୟୁ ଘଟିଥିବା ବେଳେ କେତେକ ଆହତ ହୋଇଥିଲେ । ଏହି ବିସ୍ଫୋରଣ ପାଇଁ ଆଇଏସଆଇଏସ-କେ ଆତଙ୍କବାଦୀ ସଂଗଠନ ନିଜକୁ ଦାୟୀ କରିବା ପରେ ଆମେରିକା ତାର ଅଡ୍ଡା ଉପରେ ଡ୍ରୋନ ଆକ୍ରମଣ କରି ପ୍ରତିଶୋଧ ନେଇଥିଲା ।