ନିଆଳି ପାଇଁ ପ୍ରାର୍ଥୀ ଘୋଷଣା କଲା କଂଗ୍ରେସ

ନିଆଳି (ବଡ଼ ଖବର ବ୍ୟୁରୋ): ନିଆଳି ପାଇଁ ପ୍ରାର୍ଥୀ ଘୋଷଣା କଲା କଂଗ୍ରେସ । ବରିଷ୍ଠ ନେତା ପଞ୍ଚାନନ କାନୁନଗୋ ନିଆଳି ଯାଇ କଲେ ଘୋଷଣା । ନିଆଳି ପାଇଁ ଜ୍ୟୋତି ରଞ୍ଜନ ମଲ୍ଲିକଙ୍କ ନାଁ ଘୋଷଣା କଲା କଂଗ୍ରେସ । କଟକ ଜିଲ୍ଲା ନିଆଳି ନଖରା  ନୂଆଗାଁ ସ୍ଥିତ ପ୍ରାଚୀ ମଣ୍ଡପ ଠାରେ ଆୟୋଜିତ ହୋଇଯାଇଛି କଂଗ୍ରେସର ଏକତା ସମାବେଶ । ଏହି ସମାବେଶରେ ୨୦୨୪ ନିର୍ବାଚନ ପାଇଁ ନିଆଳି ନିର୍ବାଚନ ମଣ୍ଡଳୀର କଂଗ୍ରେସ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି । ପୂର୍ବତନ ଅର୍ଥ ମନ୍ତ୍ରୀ ପଞ୍ଚାନନ କାନୁନଗୋ ବର୍ତ୍ତମାନ ନିଆଳି ନୂଆଗାଁ ପଞ୍ଚାୟତ ସରପଞ୍ଚ ଜ୍ୟୋତିରଞ୍ଜନ ମଲ୍ଲିକଙ୍କ ନାମ ଘୋଷଣା କରିଛନ୍ତି ।

ପୂର୍ବତନ ବିଧାୟକ ରବୀନ୍ଦ୍ର ମଲ୍ଲିକ , ସଧାରଣ ସମ୍ପାଦକ ଓଡ଼ିଶା ପ୍ରଦେଶ କଂଗ୍ରେସ କମିଟି ଶଶିକାନ୍ତ ଲେଙ୍କା, ନିଆଳି କଂଗେସ ବ୍ଲକ ସଭାପତି ସୌଭାଗ୍ୟ ରଞ୍ଜନ ବସ୍ତିଆ, କେଦାରନାଥ ସାହୁଙ୍କ ସମେତ ଅନେକ କର୍ମକର୍ତ୍ତା ତାଙ୍କୁ ସହମତ ଜଣାଇଥିଲେ । ଉପସ୍ଥିତ ଥିବା ଅନେକ କଂଗ୍ରେସ ପ୍ରେମୀଙ୍କ ମଧ୍ୟରେ ଖୁସି ମୁହୂର୍ତ୍ତ ଦେଖିବାକୁ ମିଳିଛି ।