ପାକିସ୍ତାନ ସୀମା ଜଗିବ ଆପାଚି

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସାବଧାନ ପାକିସ୍ତାନ । ଆକ୍ରମଣ କରିବା ପୂର୍ବରୁ ୪ ଥର ଚିନ୍ତା କରିବାକୁ ପଡିବ । କାରଣ ଏଣିକି ସୀମା ଜଗିବ ଆପାଚି ହେଲିକପ୍ଟର । ଆହୁରି ପାୱାରଫୁଲ ହେବ ଭାରତ । ଗେମ୍ ଚେଞ୍ଜର୍ ସାଜି ଭାରତକୁ ଆସିବ ଆପାଚି ଆଟାକ୍ ହେଲିକପ୍ଟର । ଅପରେସନ ସିନ୍ଦୂର ପରେ ନିଜର ସାମଥ୍ୟ ର୍କୁ ଦୃଢ କରୁଛି ଭାରତୀୟ ସେନା । ପାକିସ୍ତାନ ସୀମାରେ ମୁତୟନ ହେବ ଆପାଚି ଆଟାକ୍ ହେଲିକପ୍ଟର ।

ଆଧୁନିକ ଜ୍ଞାନ କୌଶଳରେ ତିଆରି ଏହି ଆଟାକ୍ ହେଲିକପ୍ଟର ଭାରତର ସାମରିକ କ୍ଷମତାରେ ଉନ୍ନତି ଆଣିବ । ଏଚ-୬୪ଇ ଆପାଚି ହେଲିକେପ୍ଟର ପାଇଁ ୨୦୨୦ ମସିହାରେ ଭାରତ-ଆମେରିକା ସହ ୬୦ ଡଲାରର ଡ଼ିଲ୍ କରିଥିଲା । ଏହାର ପ୍ରଥମ ବ୍ୟାଚ୍ ୨୦୨୪ ମେ-ଜୁନ୍ ମାସରେ ଏବଂ ୨୦୨୪ ଡିସେମ୍ବର ମାସରେ ଡେଲିଭରି ପାଇଁ ଧାର୍ଯ୍ୟ ହୋଇଥିଲା । କୌଣସି ବୈଷୟିକ କାରଣ ଯୋଗୁଁ ଆମେରିକା ପକ୍ଷରୁ ଆପାଚି ହେଲିକପ୍ଟର ଡେଲିଭରିରେ ବିଳମ୍ବ ହୋଇଥିଲା । ଆର୍ମି ଏଭିଏସନ୍ କୋର୍ ୩ଟି ଆପାଚି ହେଲିକପ୍ଟର ପ୍ରଥମ ବ୍ୟାଚ୍ ଏବେ ଜୁଲାଇ ମଧ୍ୟ ଭାଗରେ ପହଞ୍ଚିବ ବୋଲି ଆଶା କରାଯାଉଛି । ଦ୍ୱିତୀୟ ବ୍ୟାଚ୍ ନଭେମ୍ବରରେ ଆସିବ । ଏହି ହସ୍ତାନ୍ତରକୁ ନେଇ ଜୁଲାଇ ୧ ରେ ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ଆମେରିକାର ପ୍ରତିରକ୍ଷା ସଚିବ ପିଟ୍ ହେଗସେଥ୍ ଙ୍କ ମଧ୍ୟରେ ବାର୍ତ୍ତାଳାପ ହୋଇଛି ।