କେତେ ଘର ସିଲ୍ କରିବ ଦେଖିବା
ଭୁବନେଶ୍ୱର (ବଡ଼ ଖବର ବ୍ୟୁରୋ): ବିଜେଡିର କିଛି କାର୍ଯ୍ୟକୁ ସାଧାରଣ ଲୋକମାନେ ଆଉ ପସନ୍ଦ କରୁନାହାନ୍ତି । ସେମାନେ ସିଧାସଳଖ ନହେଲେ ମଧ୍ୟ ପରୋକ୍ଷରେ ବିରୋଧ କରୁଛନ୍ତି । ଏଇ ଯେମିତି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ ଭୁବନେଶ୍ୱର କାର୍ଯ୍ୟାଳୟ ସିଲ୍ ଘଟଣା । ଏବେ ରାଜ୍ୟର ବିଭିନ୍ନ ଜିଲ୍ଲାର ଲୋକମାନେ ସେମାନଙ୍କ ଘରକୁ ଅଫିସ୍ କରିବା ପାଇଁ ସାଂସଦ ଅପରାଜିତାଙ୍କୁ ନିବେଦନ କରିଛନ୍ତି । ଲୋକମାନେ ଖୋଲା ଖୋଲି କହିଛନ୍ତି, ରାଜ୍ୟ ସରକାର କେତେ ଅଫିସ୍ ସିଲ କରିବେ କରନ୍ତୁ ।
Am astonished to note that 2234 people from various districts have been kind enough to offer their houses for running my office till now & the number is increasing.I am deeply touched, indeed! Seems it is becoming a people's movt.
I wonder how many houses can the state govt seal. pic.twitter.com/6wJqmiWJ31— Aparajita Sarangi, Member of Parliament (@AprajitaSarangi) October 15, 2020
କରୋନା ରାଜନୀତିର ଶିକାର ହୋଇଥିବା ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ କାର୍ୟ୍ୟାଳୟକୁ କୋଭିଡ଼ ଆଇନ ଉଲ୍ଲଘଂନ ନେଇ ସିଲ କରିଛି ଭୁବନେଶ୍ୱର ମହାନଗର ନିଗଗମ(ବିଏମ୍ ସି) । କୋଭିଡ଼ ଆଇନ ଉଲ୍ଲଘଂନ ପାଇଁ ବିଜେଡି କାର୍ୟ୍ୟାଳୟ କେବେ ସିଲ ହେବର ପ୍ରଶ୍ନ ଉଠାଇ ପ୍ରତିବାଦ କରିଥିଲେ ଅପରାଜିତା । ଆରମ୍ଭ କରିଥିଲେ ରାସ୍ତା କାର୍ୟ୍ୟାଳୟରେ ଜନ ଶୁଣାଣିି ।
ରାଜ୍ୟ ଜନସାଧାରଣଙ୍କ ତରଫରୁ ବିଭିନ୍ନ ଜିଲ୍ଲାରୁ ୨୨୩୪ ଲୋକ ନିଜ ଘରକୁ ଅଫିସ ଚଳେଇବା ପାଇଁ ଅପରାଜିତାଙ୍କୁ କହିଥିବା ସେ ସୂଚନା ଦେଇଛନ୍ତି । ଜନସାଧାରଣଙ୍କ ତରଫରୁ ଅନୁରୋଧ ସଂଖ୍ୟା ବଢ଼ିବରେ ଲାଗିଛି । ଏବେ ଲୋକ ଆନ୍ଦୋଳନର ରୂପ ନେଉଛି, ରାଜ୍ୟ ସରକାର କେତେ ଘରକୁ ସିଲ କରିବେ ବୋଲି ଟ୍ୱିଟ କରି କହିଛନ୍ତି ସାଂସଦ ଅପରାଜିତା ।