ଟ୍ରେଲର ଦେଖାଇଛନ୍ତି ଅର୍ଚ୍ଚନା ନାଗ : ଆଗକୁ ଆସିବ ପୂରା ଫିଲ୍ମ
ଭୁବନେଶ୍ଵର (ବଡ଼ ଖବର ବ୍ୟୁରୋ): କିଛି ଦିନର ନିରବତା ପରେ ଫଁ ଫଁ ଗର୍ଜନ କରିଛନ୍ତି ଅର୍ଚ୍ଚନା ନାଗ । ଭୁବନେଶ୍ୱର କୋର୍ଟରୁ ବାହାରି ହନିମୁନ୍ ସାଥୀଙ୍କ ଗୁମର ଖୋଲିଥିବା ବେଳେ ମାତ୍ର ତାଙ୍କ ସ୍ୱାମୀ ଜଗବନ୍ଧୁ ନିରବତା ଅବଲମ୍ବନ କରିଛନ୍ତି । ମୁହଁ ଖୋଲିଲେ ଓଡ଼ିଶା ପରିବର୍ତ୍ତନ ହୋଇଯିବ କହିଥିବା ଅର୍ଚ୍ଚନା ଆଜି କୋର୍ଟ ବାହାରେ ଖୋଲିଛନ୍ତି ହନିମୁନ୍ ରାତିର ସାଥୀଙ୍କ ନାମ । ଅର୍ଚ୍ଚନା ଗର୍ଜୁଥିବା ବେଳେ ନୀରବ ରହିଥିଲେ ତାଙ୍କ ସ୍ୱାମୀ ଜଗବନ୍ଧୁ ଚାନ୍ଦ ।
ଦୁଇଟି ମାମଲାରେ ଅର୍ଚ୍ଚନା ନାଗ ଓ ତାଙ୍କ ସ୍ୱାମୀ ଜଗବନ୍ଧୁ ଚାନ୍ଦଙ୍କୁ ସିବିଆଇ କୋର୍ଟରେ ହାଜର କରାଯାଇଥିଲା । ବିଚାରପତିଙ୍କ ଆଗରେ ଅର୍ଚ୍ଚନା ତାଙ୍କର ସମିସନ୍ ରଖିଥିଲେ । ଶ୍ରଦ୍ଧାଞ୍ଜଳି ବେହେରାଙ୍କୁ କୌଣସି ତଦନ୍ତ ଏଜେନ୍ସି ଗିରଫ କରିନଥିବାରୁ ଅର୍ଚ୍ଚନା ବିଚାରପତିଙ୍କ ଦୃଷ୍ଟି ଆକର୍ଷଣ କରିଥିଲେ ବୋଲି ଅର୍ଚ୍ଚନାଙ୍କ ଓକିଲ କହିଛନ୍ତି । ଗଣମାଧ୍ୟମଠାରୁ ଦୂରେଇ ରଖାଯାଉଥିବା ଅର୍ଚ୍ଚନା ନାଗ ଏବେ ଟ୍ରେଲର ଦେଖାଇଛନ୍ତି । ଆଗକୁ ଆସିବ ପୂରା ଫିଲ୍ମ । କୁଇନଙ୍କ ସହ ସମ୍ପୃକ୍ତି ଥିବା ନେତା, ଅଫିସର ଓ ବ୍ୟବସାୟୀଙ୍କ ଭିତରେ ଛନକା ପଶିଗଲାଣି ।