କ୍ଷମା ମାଗିଲେ ବୌଦ୍ଧ ଧର୍ମଗୁରୁ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କ୍ଷମା ମାଗିଛନ୍ତି ବୌଦ୍ଧ ଧର୍ମଗୁରୁ । ସାର୍ବଜନୀକ ମଞ୍ଚରେ ଏକ ଛୋଟ ପିଲାକୁ ଚୁମ୍ବନ ଦେଇ ବିବାଦରେ ରହିଥିବା ବୌଦ୍ଧ ଧର୍ମଗୁରୁ ଦଲାଇଲାମା କ୍ଷମା ମାଗିଛନ୍ତି। ଦଲାଇଲାମାଲଙ୍କର ଏକ ଭିଡିଓ ଭାଇରାଲ ହୋଇଥିଲା । ଯେଉଁଥିରେ ଦଲାଇଲାମା ଜଣେ ପିଲାକୁ ଚୁମ୍ବନ ଦେଉଥିବାର ନଜର ଆସିଥିଲେ। ସୋସିଆଲ ମିଡିଆ ୟୁଜରମାନେ ଏହି ଭିଡିଓ ଉପରେ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ।

ଏହା ପରେ ଦଲାଇଲାମାଙ୍କ ତରଫରୁ ଏକ ଅଧିକାରୀକ ବିବୃତ୍ତି ଜାରି କରି ଏ ସମ୍ପର୍କରେ ସ୍ପଷ୍ଟୀକରଣ ଜାରି କରାଯାଇଛି। ଧାର୍ମିକ ନେତା ଶିଶୁ ଏବଂ ତାଙ୍କ ପରିବାର ତଥା ବିଶ୍ୱର ତାଙ୍କ ସମସ୍ତ ବନ୍ଧୁଙ୍କ ନିକଟରେ କ୍ଷମା ମାଗିବାକୁ ଚାହୁଁଛନ୍ତି। ଦଲାଇ ଲାମା ପ୍ରାୟତଃ ତାଙ୍କ ପାଖକୁ ଆସୁଥିବା ଲୋକଙ୍କୁ କ୍ୟାମେରା ଆଗରେ ଥଟ୍ଟା କରନ୍ତି। ତେବେ ସେ ଏହି ଘଟଣାରେ ଅନୁତାପ କରିଛନ୍ତି।