ଅସିତ ତ୍ରିପାଠୀ ହେଲେ ସଭାପତି
ଭୁବନେଶ୍ୱର(ବଡ଼ ଖବର ବ୍ୟୁରୋ) : ପୂର୍ବତନ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ଭୁବନେଶ୍ୱର କ୍ଲବର ସଭାପତି ନିର୍ବାଚିତ ହୋଇଛନ୍ତି । ସେ ଅନ୍ୟତମ ପୂର୍ବତନ ମୁଖ୍ୟ ଶାସନ ସଚିବ ବିଜୟ ପଟ୍ଟନାୟକଙ୍କୁ ମୋଟ ୨୭୮ ଭୋଟରେ ହରାଇଛନ୍ତି । ନିର୍ବାଚନରେ ଅସିତଙ୍କୁ ମୋଟ ୭୭୬ଟି ଭୋଟ ମିଳିଥିଲା । ସେହିପରି ବିଜୟ ପଟ୍ଟନାୟକଙ୍କୁ ୪୮୯ଟି ଭୋଟ ମିଳିଥିଲା ।
ନୂତନ ଭାବେ କ୍ଲବର ସଭାପତି ନିର୍ବାଚନ ଜିତିଥିବା ଅସିତ ତ୍ରିପାଠୀ କହିଛନ୍ତି, ଏହା ଏକ ୭୦ ବର୍ଷରୁ ଅଧିକ ସମୟର । କିନ୍ତୁ ଯେଉଁ ଉଦ୍ଦେଶ୍ୟରେ ଏହି କ୍ଲବ ଗଠନ କରାଯାଇଥିଲା ତାର ଉଦ୍ଦେଶ୍ୟ ପୂରଣ ହୋଇପାରି ନାହିଁ । ସେ ଆହୁରି କହିଛନ୍ତି ଏହି କ୍ଲବ ୭୧ ବର୍ଷ ତଳେ ଗଠନ ହୋଇଥିଲା । ଏଥିରେ ଏବେ ରାଜନେତା, ଆଇଏଏସ୍ ଓ ଶିଳ୍ପପତିମାନେ ସଦସ୍ୟ ଅଛନ୍ତି ।
ତେବେ ସୂଚନା ଅନୁଯାଇ ଗତ ବର୍ଷ ଡିସେମ୍ବର ୩୧ରେ ମୁଖ୍ୟ ଶାସନ ସଚିବ ପଦରୁ ଅବସର ନେଇଥିଲେ ଅସିତ । ପରେ ସେ ମୁଖ୍ୟମନ୍ତ୍ରୀଙ୍କ ମୁଖ୍ୟ ପରାମର୍ଶଦାତା ଭାବେ କାର୍ଯ୍ୟ କରୁଛନ୍ତି । ଆଞ୍ଚଳିକ ବିକାଶ, ପର୍ଯ୍ୟଟନ, କୃଷି, ଶିଳ୍ପ କ୍ଷେତ୍ରରେ ମୁଖ୍ୟମନ୍ତ୍ରୀଙ୍କ ପରାମର୍ଶଦାତା ଭାବେ ସେ କାର୍ଯ୍ୟ କରୁଛନ୍ତି ।