ହର୍ମୁଜରେ ତୈଳ ବୋଝେଇ ଜାହାଜ ଉପରେ ଆକ୍ରମଣ

ତେହରାନ  (ବଡ଼ ଖବର ବ୍ୟୁରୋ): ହର୍ମୁଜରେ ତୈଳ ବୋଝେଇ ଜାହାଜ ଉପରେ ଇରାନ ଆକ୍ରମଣ । ଟୋଗୋର ତୈଳ ବୋଝେଇ ଜାହାଜ ଉପରେ ଏହି ଆକ୍ରମଣ କରିଛି ଇରାନ । ତେବେ ଜାହାଜଟି ଅବୈଧ ପଥ ଦେଇ ପାର ହେବାକୁ ଚେଷ୍ଟା କରିବା ବେଳେ ଇରାନ ଆକ୍ରମଣ କରିଛି । ଆମେରିକୀୟ ସେନାର ପ୍ରରୋଚନାରେ ଜାହାଜ ପଥ ବଦଳାଉଥିବା କହିଛି ଇରାନ । ଇରାନର ସାମରିକ ପ୍ରବକ୍ତାଙ୍କ କହିବା ଅନୁଯାୟୀ, ଏହି ଜାହାଜଟି ସ୍ୱାଧୀନ ଭାବେ ଗତି କରୁ ନ ଥିଲା, ବରଂ ଆମେରିକୀୟ ସେନାର ପ୍ରରୋଚନା ଓ ପ୍ରତ୍ୟକ୍ଷ ଇସାରାରେ ନିଜର ଗତିପଥ ବଦଳାଉଥିଲା । ଆମେରିକା ଏହି ପ୍ରଦେଶରେ ନିଜର ପ୍ରଭାବ ବିସ୍ତାର କରିବା ପାଇଁ ଏଭଳି ବେଆଇନ କାର୍ଯ୍ୟକଳାପକୁ ଉତ୍ସାହିତ କରୁଛି ବୋଲି ଇରାନ ଆରୋପ ଲଗାଇଛି । ଅବୈଧ ଯାତ୍ରାର ପରିଣାମ କେବଳ ଜାହାଜର ଧ୍ୱଂସ ବୋଲି କହିଛି ଇରାନ । ଇରାନର ଏହି ଚେତାବନୀ ସମୁଦ୍ର ପଥରେ ଯାତାୟାତ କରୁଥିବା ଅନ୍ୟାନ୍ୟ ଅନ୍ତର୍ଜାତୀୟ ଜାହାଜଗୁଡ଼ିକ ପାଇଁ ସତର୍କ ଘଣ୍ଟି ପାଲଟିଛି ।