ପାକିସ୍ତାନରେ ହିମସ୍ଖଳନ, ୧୦ ମୃତ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପାକିସ୍ତାନ ଗିଲଗିଟ୍‌-ବାଲତିସ୍ତାନ ଅଞ୍ଚଳରେ ହିମସ୍ଖଳନ ଯୋଗୁଁ ୧୦ଜଣଙ୍କର ମୃତ୍ୟୁ ଘଟିଥିବା ବେଳେ ୨୫ଜଣ ଆହତ ହୋଇଥିବା କଥା ପୋଲିସ କହିଛି। ପୋଲିସର ସୂଚନାନୁସାରେ, ପାହାଡ ଅଞ୍ଚଳର ଆଷ୍ଟୋର ଜିଲ୍ଲାରେ ଘଟିଥିବା ଏହି ଦୁର୍ଘଟଣାରେ ୩ ଜଣ ମହିଳାଙ୍କ ସମେତ ୧୦ଜଣ ବ୍ୟକ୍ତିଙ୍କର ମୃତ୍ୟୁ ଘଟିଛି। ୨୫ ଜଣ ଗୁରୁତର ଆହତ ହୋଇଛନ୍ତି। ସ୍ଥାନୀୟ ଲୋକଙ୍କ ସହାୟତାରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା।

ପରେ ସେନା କର୍ମଚାରୀମାନେ ଏହି ଅଭିଯାନରେ ଯୋଗ ଦେଇଛନ୍ତି। ଆହତମାନେ ଆଷ୍ଟୋର ଜିଲ୍ଲା ମୁଖ୍ୟାଳୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ଯେଉଁଠାରେ ୧୨ ଜଣଙ୍କ ଅବସ୍ଥା ଗୁରୁତର ଥିବା କୁହାଯାଉଛି। ଉଦ୍ଧାର ଅଧିକାରୀମାନେ କହିଛନ୍ତି ଯେ, ଗୁରୁଜାର ପରିବାରର ୨୫ ଜଣ ଲୋକ ପାକିସ୍ତାନ ଅକ୍ତିଆର ହୋଇଥିବା କାଶ୍ମୀରରୁ ଆଷ୍ଟୋର ଅଭିମୁଖେ ଯାଉଥିଲେ । ସେପଟେ ପାକିସ୍ତାନର ପ୍ରଧାନମନ୍ତ୍ରୀ ଶେହବାଜ୍‌ ଶରିଫ୍‌ ମଧ୍ୟ ଟୁଇଟ୍‌ କରି ଶୋକବ୍ୟକ୍ତ କରିଛନ୍ତି।