କରୋନା କାଳରେ ରାଜ୍ୟରେ ନିର୍ମାଣ ହୋଇଛି ୧,୪୮,୫୦୦ ପକ୍କା ଘର: ୟୁଏନଡିପିର ପ୍ରଶଂସା

ଭୁବନେଶ୍ୱର, (ବଡ଼ ଖବର ବ୍ୟୁରୋ): ଓଡ଼ିଶାରେ କରୋନା କାଳରେ ତିଆରି ହୋଇଛି ୧,୪୮,୫୦୦ ବିଜୁ ପକ୍କା ଘର । ରାଜ୍ୟ ସରକାର ଏହି ତଥ୍ୟ ରଖିଛନ୍ତି । ଏହି ତଥ୍ୟ ଆଧାରରେ ଜାତିସଘଂଠାରୁ ପ୍ରଶଂସା ମଧ୍ୟ ସାଉଁଟିଛନ୍ତି ସରକାର । ୟୁନାଇଟେଡ ନେଶନ ଡେଭଲପମେଣ୍ଟ ପୋଗ୍ରାମ ବା ୟୁଏନଡିପିର ଭାରତ ଶାଖା ଟ୍ୱିଟ୍ କରି ଓଡ଼ିଶା ସରକାରଙ୍କୁ ଏଥିପାଇଁ ସାବାସୀ ଜଣାଇଛି ।

ଗ୍ରାମାଞ୍ଚଳରେ କଚ୍ଚା ଘରେ ରହୁଥିବା ଲୋକଙ୍କୁ ପକ୍କା ଘର ଯୋଗାଇବାକୁ ପଞ୍ଚାୟତିରାଜ ବିଭାଗ ସହ ୟୁଏନଡିପି ସହଭାଗୀ ଥିବା ମଧ୍ୟ ଜଣାଇଛି । ଏତେ ସଂଖ୍ୟକ ବିଜୁ ପକ୍କା ଘର ଗତ ୬ ମାସରେ ହିଁ ନିର୍ମାଣ ହୋଇଥିବା କୁହାଯାଇଛି ।