ରେଳ ଦୁର୍ଘଟଣା: ଟ୍ରେନ୍ ଧକ୍କାରେ ଭାଙ୍ଗିଲା ସୋରୋ ଷ୍ଟେଶନ ଫୁଟ୍ ଓଭରବ୍ରିଜ୍

ଭୁବନେଶ୍ୱର, (ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ସୋରୋ ରେଳ ଷ୍ଟେଶନରେ ସୋମବାର ରାତିରେ ଘଟିଛି ରେଳ ଦୁର୍ଘଟଣା । ଏକ ମାଲବାହୀ ଟ୍ରେନ୍ ଧକ୍କାରେ ଷ୍ଟେଶନର ଫୁଟ ଓଭରବ୍ରିଜ ଭାଙ୍ଗିଯାଇଛି । ଟ୍ରେନର ଉପର ପାର୍ଶ୍ୱ ସହ ଫୁଟ ଓଭରବ୍ରିଜର ରେଲି ଧକ୍କାହେବା ଫଳରେ ବ୍ରିଜଟି ଭାଙ୍ଗିଯାଇଥିବା ସୂଚନା ମିଳିଛି ।

ତେବେ ଏହି ଦୁର୍ଘଟଣାରେ କେହି ମୃତାହତ ହୋଇଥିବା ସୂଚନା ନାହିଁ । ଦୁର୍ଘଟଣାଗ୍ରସ୍ତ ଟ୍ରେନଟି ବର୍ତ୍ତମାନ ସୁଦ୍ଧା ସୋରୋ ଷ୍ଟେଶନ ନିକଟରେ ଠିଆ ହୋଇ ରହିଛି । ଫଳରେ ଉକ୍ତ ଲାଇନରେ ଟ୍ରେନ ଚଳାଚଳ ଗୁରୁତର ଭାବେ ବାଧାପ୍ରାପ୍ତ ହୋଇଛି । ଅନ୍ୟପଟେ ଦୁର୍ଘଟଣାର କାରଣ ଜଣାପଡ଼ି ନାହିଁ ।