ସୋର(ବଡ଼ ଖବର ବ୍ୟୁରୋ): ଭଙ୍ଗା ଚାଲିଛି ବାହାନଗା ହାଇସ୍କୁଲ । ବାହାନଗା ଟ୍ରେନ ଦୁର୍ଘଟଣା ପରେ ମୃତଦେହ ଗୁଡିକୁ ରଖାଯାଇଥିବା ସ୍କୁଲ ଘର ଭାଙ୍ଗୁଛି ପ୍ରଶାସନ । ପିଲାମାନେ ଡରୁଥିବାରୁ ସଂପୃକ୍ତ ସ୍କୁଲ ଘରକୁ ଭାଙ୍ଗୁଛି ପ୍ରଶାସନ । ସ୍କୁଲ ପରିଚାଳନା କମିଟି ଉପସ୍ଥିତିରେ ଭଙ୍ଗାଯାଉଛି ସ୍କୁଲ ଘର । ଗତକାଲି ବାଲେଶ୍ୱର ଜିଲାପାଳ ବାହାନଗା ସ୍କୁଲରେ ପହଞ୍ଚି ଅଭିଭାବକଙ୍କ ସହ ଆଲୋଚନା କରିଥିଲେ । ପିଲାଙ୍କୁ ଭୟଭୀତ ନକରାଇବାକୁ ଅନୁରୋଧ କରିବା ସହ ଛାତ୍ରଛାତ୍ରୀଙ୍କ ଭିତରେ ଅବାସ୍ତବ କଥା ନପୁରାଇବାକୁ ଅନୁରୋଧ କରିଥିଲେ । ତେବେ ଭୂତ ଭୟରେ ସ୍କୁଲର ଆଜବେଷ୍ଟର ଘରକୁ ଭାଙ୍ଗିବା ସହ ଆଜବେଷ୍ଟ ପରିବର୍ତ୍ତେ ନିର୍ମାଣ ହେବ ପକ୍କା ଘର ।
