ବାବା ଚନ୍ଦେନେଶ୍ୱରଙ୍କ କାମିନୀ ବିବାହ

ବାଲେଶ୍ଵର(ବଡ଼ ଖବର ବ୍ୟୁରୋ): ବାବା ଚନ୍ଦେନେଶ୍ୱରଙ୍କ କାମିନୀ ବିବାହ ଓ ନୀଳ ପର୍ବ । ବାଲେଶ୍ଵର ଜିଲ୍ଲାର ପ୍ରସିଦ୍ଧ ବାବା ଚନ୍ଦନେଶ୍ଵର ଶୈବ ପୀଠରେ ଚାଳିଛି ଚଡ଼କ ମେଳା । ଲକ୍ଷ ଲକ୍ଷ ଭକ୍ତ ଓ ଶ୍ରଦ୍ଧାଳୁ ଙ୍କ ସମାଗମ ଦେଖିବାକୁ ମିଳିଛି । ବାବାଙ୍କ ନୀତିକାନ୍ତି ପରମ୍ପରା ଅନୁଯାୟୀ କାମିନୀକୁ ବିବାହ ପରେ ଦେହରେ ମାଳା ଚନ୍ଦନ ବୋଳିବେ ବ୍ରତଧାରୀ। ମନ୍ଦିର ପାଖରୁ ସମସ୍ତ ଭକ୍ତଙ୍କୁ ନେଇ ବିଶାଳ ପଟୁଆରରେ ଭଟପୁର ଗାଁରେ ବାବାଙ୍କ କାମିନୀ ବିବାହ ପାଇଁ ପହଞ୍ଚିଛନ୍ତି ୧୩ଜଣ ମୁଖ୍ୟ ବ୍ରତଧାରୀ ।

ଆଜି ବାବାଙ୍କ ନୀଳପର୍ବ ଓ କାମିନୀ ବିବାହ ଥିବାରୁ ବ୍ରତଧାରୀ ଓ ଶ୍ରଦ୍ଧାଳୁ ମାନେ ନୀଳପଖରୀରେ ବୁଡ଼ ପକାଇ ବାବାଙ୍କୁ ପୂଜାର୍ଚ୍ଚନା କରୁଛନ୍ତି । ଅପରାହ୍ନରେ ବାବାଙ୍କ ନୀଳ ପୋଖରୀରୁ ଉଠିବ ଥମ୍ବି କାଠ । ପ୍ରଶାସନ ଓ ପୋଲିସ ପକ୍ଷରୁ ବ୍ୟାପକ ବନ୍ଦୋବସ୍ତ ହୋଇଛି । ୨୦ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛି ।