ଜାଲରେ ପଡ଼ିଲା ବାଲଟ ବକ୍ସ

ନୟାଗଡ (ବଡ଼ ଖବର ବ୍ୟୁରୋ): ପୋଖରୀରେ ମାଛ ଧରିବା ସମୟରେ ଜାଲରେ ପଡ଼ିଲା ବାଲଟ ବକ୍ସ । ଏଭଳି ଘଟଣା ଦେଖିବାକୁ ମିଳିଛି ନୟାଗଡ ଜିଲ୍ଲା ଓଡ଼ଗାଁ ବ୍ଲକ ଗୋତିସାହି ପଞ୍ଚାୟତରେ । ଆଜି ସକାଳୁ ମାଛ ଧରିବାକୁ ଗୋତିସାହର ୭ଜଣ ଯୁବକ ରଜତ ସ୍ୱାଇଁଙ୍କ ଜମିରେ ଥିବା ପୋଖରୀକୁ ଯାଇଥିଲେ । ମାଛ ଧରିବା ସମୟରେ ଜାଲରେ ବାଲଟ ବକ୍ସ ପଡ଼ିଥିଲା । ତେବେ ଯୁବକମାନେ ସଙ୍ଗେସଙ୍ଗେ ଶରଣକୂଳ ଥାନାରେ ଜଣାଇଥିଲେ । ପୋଲିସ ଆସିବାପରେ ବାଲଟ ବକ୍ସକୁ ଖୋଲା ଯାଇଖିଲା, ହେଲେ ବାକ୍ସଟି ସମ୍ପୂର୍ଣ୍ଣ ଖାଲିଥିବା ଦେଖିବାକୁ ମିଳିଛି । ତେବେ କେଉଁଠୁ ଏ ବାଲଟ ବକ୍ସ ଆସିଲା ତାକୁ ନେଇ ସୃଷ୍ଟି ହୋଇଛି ଅନେକ ପ୍ରଶ୍ନବାଚୀ । ଗତ ନିର୍ବାଚନ ବେଳର ଏ ବ।ଲଟ ବକ୍ସ ବୋଲି ଅନୁମାନ କରାଯାଉଛି ।