ପ୍ରିନ୍ସିପାଲଙ୍କୁ ପେଟ୍ରୋଲ ଢାଳି ପୋଡି ଦେଲା ଛାତ୍ର

ମଧ୍ୟପ୍ରଦେଶ (ବଡ଼ ଖବର ବ୍ୟୁରୋ): ଛାତ୍ରର କ୍ରୋଧର ଶିକାର ହେଲେ ପ୍ରିନ୍ସିପାଲ । ପେଟ୍ରୋଲ ଢାଳି ପୋଡି ଦେଲେ ଛାତ୍ର । ଏଭଳି ଘଟଣା ଦେଖିବାକୁ ମିଳିଛି ମଧ୍ୟପ୍ରଦେଶର ଇନ୍ଦୋରରେ । ଇନ୍ଦୋରରେ ଥିବା ବିଏମ ଫାର୍ମାସୀ କଲେଜର ପ୍ରିନ୍ସପାଲ ବିମୁକ୍ତା ଶର୍ମାଙ୍କୁ ଜଣେ ଛାତ୍ର ପେଟ୍ରୋଲ ଢାଳି ପୋଡି ଦେଇଛି । ଛାତ୍ର ଜଣଙ୍କର ଏଭଳି କାଣ୍ଡ ପରେ ସ୍ଥାନୀୟ ଲୋକ ପ୍ରିନ୍ସିପାଲ ବିମୁକ୍ତାଙ୍କୁ ଚୋହତରାମ ହସ୍ପିଟାଲରେ ଭର୍ତ୍ତି କରିଥିଲେ । ଆଜି ତାଙ୍କର ମୃତ୍ୟୁ ହୋଇଛି । ଫେବୃଆରୀ ୨୦ ତାରିଖରେ ବିଏମ ଫାର୍ମାସୀ କଲେଜର ଆଶୁତୋଷ ନାମକ ଜଣେ ଛାତ୍ର ବିମୁକ୍ତା ଶର୍ମାଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇଦେଇଥିଲା ।

ଏହି ଘଟଣାରେ ବିମୁକ୍ତାଙ୍କ ଶରୀରର ୯୦ ପ୍ରତିଶତ ପୋଡି ଯାଇଥିଲା । ତାଙ୍କୁ ସହଯୋଗୀମାନେ ତୁରନ୍ତ କଲେଜ ନିକଟରେ ଥିବା ଚୋହତରାମ ମେଡିକାଲରେ ଭର୍ତ୍ତି କରିଥିଲେ । ଏହାସହ ଏହି ଘଟଣାରେ ଆଶୁତୋଷ ଶରୀରର କିଛି ଅଂଶ ମଧ୍ୟ ପୋଡି ଯାଇଥିଲା । କଲେଜ ତରଫରୁ ଆଶୁତୋଷଙ୍କୁ ମାର୍କସିଟ ଦେବାରେ ଡେରି କରିଥିବା ଅଭିଯୋଗ ଆଣି ଛାତ୍ର ଜଣଙ୍କ ଏଭଳି କାଣ୍ଡ କରିଥିବା କଥା ସୂଚନା ମିଳିଛି । ଏଭଳି ଘଟଣା ପରେ ଇନ୍ଦୋରରେ ଏକ ପୋଲିସ ସହାୟକ ଓ ଉପ ନିରୀକ୍ଷକଙ୍କୁ ନିଲମ୍ବିତ କରାଯାଇଛି । ଏହାସହ ଇନ୍ଦୋର ପ୍ରଶାସନ ଆଶୁତୋଷ ଶ୍ରୀବାସ୍ତବଙ୍କ ବିରୋଧରେ ଜାତୀୟ ସୁରକ୍ଷା ଆଇନ ଆଧାରରେ କାର୍ୟ୍ୟାନୁଷ୍ଠାନ ଆରମ୍ଭ କରିଛି ।