ମୁମ୍ବାଇ(ବଡ଼ ଖବର): ଏଣିକି ଆଉ ଭଗବାନଙ୍କ ନାମରେ ବାହାରିପାରିବନି ବିଜ୍ଞାପନ । ଏହା ଉପରେ କଟକଣା ଲଗାଇଛନ୍ତି ବମ୍ବେ ହାଇକୋର୍ଟ । ବମ୍ବେ ହାଇକୋର୍ଟ ଔରଙ୍ଗାବାଦ ବେଂଚ ଘୋଷଣା କରିଛି ଯେ, କୌଣସି ଭଗବାନଙ୍କ ନାମରେ ଯେ କୌଣସି ପ୍ରବନ୍ଧରେ ବିଜ୍ଞାପନ ଏବଂ ଏହାର ଅଲୌକିକ ଗୁଣ ରହିଛି ବୋଲି ଦାବି କରିବା ବେଆଇନ ବୋଲି କହିଛନ୍ତି ବମ୍ବେ ହାଇକୋର୍ଟ । ମହାରାଷ୍ଟରେ ପ୍ରଚଳିତ ଥିବା ବଳିଦାନ ପ୍ରଥା ଏବଂ ଅଗୋରୀ ଅଭ୍ୟାସକୁ ବେଆଇନ ଘୋଷଣା କରିଛନ୍ତି ବମ୍ବେ ହାଇକୋର୍ଟ । ରାଜେନ୍ଦ୍ର ଆମ୍ବୋରଙ୍କ ଦ୍ୱାରା ଦାଖଲ କରାଯାଇଥିବା ଏକ ପିଟିସନର ଶୁଣାଣି କରି ବମ୍ବେ ହାଇକୋର୍ଟର ଜଷ୍ଟିସ ଟି.ଭି ନାଲୱାଡ଼ ଏବଂ ଏମଜି ସେୱାଲକର ଏଡି ମାମଲାର ଶୁଣାଣି କରିଛନ୍ତି ।
ଅମ୍ବୋର କହିଛନ୍ତି, ମାର୍ଚ୍ଚ ୨୦୧୬ରେ ସେ ଟିଭିରେ ଏକ ବିଜ୍ଞାପନରେ ସାମ୍ନାକୁ ଆସିଥିଲେ । ଯାହାକି ବାବା ମଙ୍ଗଳନାଥଙ୍କ ଦ୍ୱାରା ପ୍ରସ୍ତୁତ ହନୁମାନ ଚାଳିଶା ଯନ୍ତ୍ରରେ ବିଶେଷ, ଚମତ୍କାର ଏବଂ ଅଲୌକିକ ଗୁଣ କହିଥିଲେ ଏବଂ ଭଗବାନ ହନୁମାନଙ୍କ ଦ୍ୱାରା ଆଶୀର୍ବାଦ ପ୍ରାପ୍ତ ହୋଇଥିଲେ । ଏହି ଯନ୍ତ୍ରର ମୂଲ୍ୟ ୪୯୦୦ ଏବଂ ଏହା ୨୪ କ୍ୟାରେଟ ସୁନାରେ ତିଆରି ବୋଲି କୁହାଯାଉଛି । ଏହାର ବିଜ୍ଞାପନ ଅନେକ ଗାୟକ ଓ ଅନେକ ସେଲିବ୍ରିଟିମାନେ ମଧ୍ୟ ତାଙ୍କର ଅଭିଜ୍ଞତା ବିଷୟରେ କଥାବାର୍ତା ହୋଇଥିବା ଦର୍ଶାଯାଇଛି । କିନ୍ତୁ ବର୍ତମାନ ସମୟରେ ଏହାର ବ୍ୟବହାର ହୋଇପାରିବ ନାହିଁ ।
