ବାଣପୁରରେ ପୋଲିସ ପକ୍ଷରୁ ଫ୍ଲାଗ ମାର୍ଚ୍ଚ

ବାଣପୁର(ବଡ଼ ଖବର ବ୍ୟୁରୋ): ବାଣପୁରରେ ପୋଲିସର ଫ୍ଲାଗ ମାର୍ଚ୍ଚ । ନିର୍ବାଚନ କୁ ଅବାଧ ଏବଂ ନିରପେକ୍ଷ ଭାବେ କରିବା ପାଇଁ ଫ୍ଲାଗ ମାର୍ଚ୍ଚ କରାଯାଇ । ବାଣପୁର ଥାନା ଠାରୁ ମୁଖ୍ୟ ବଜାର ଦେଇ ପଲଟଣ ପଡିଆ ପର୍ଯ୍ୟନ୍ତ ଏହି ଫ୍ଲାଗ ମାର୍ଚ୍ଚ କରାଯାଇ ଥିଲା । ଆସନ୍ତା ସାଧାରଣ ନିର୍ବାଚନକୁ ନିର୍ଭୟ ଓ ଶାନ୍ତି ଶୃଙ୍ଖଳା ସହିତ ସମାପନ କରିବା ନିମନ୍ତେ ଜନ ସଚେତନା କରାଯାଇଛି।

ଖୋର୍ଦ୍ଧା ଆରକ୍ଷୀ ଅଧିକ୍ଷକ ଅବିନାଶ କୁମାରଙ୍କ ନେତୃତ୍ୱରେ ୩ ଜଣ ଅତିରିକ୍ତ ଅଧିକ୍ଷକ,୪ ଜଣ ଉପ ଅଧିକ୍ଷକ ଙ୍କ ସମେତ ବାଣପୁର ଥାନା ଅଧିକାରୀ ରମେଶ କୁମାର ଦେବତା, ବାଲୁଗାଁ ଥାନା ଅଧିକାରୀ ଜୟକୃଷ୍ଣ ପରିଡାଙ୍କ ସମେତ ୬ ଜଣ ଆରକ୍ଷୀ ନିରୀକ୍ଷକ ଏକ ପ୍ଲାଟୁନ ପୋଲିସ ସହ ଏହି ଫ୍ଲାଗ ମାର୍ଚ୍ଚରେ ସାମିଲ ହୋଇଥିଲେ । ପରେ ଗମ୍ଭାରୀମୁଣ୍ଡା ବଜାରରେ ମଧ୍ୟ ଏହି ଫ୍ଲାଗ ମାର୍ଚ୍ଚ ହୋଇଥିଲା । ଜିଲ୍ଲା ରେ ପର୍ଯ୍ୟାୟ କ୍ରମେ ଏହି ଫ୍ଲାଗ ମାର୍ଚ୍ଚ ହେଉଥିବା ବେଳେ ଚିଲିକା ନିର୍ବାଚନ ମଣ୍ଡଳୀ ଅନ୍ତର୍ଗତ ବାଣପୁର ଓ ନାଚୁଣୀ ଥାନା ଅନ୍ତର୍ଗତ ୧୬ ଟି ସମ୍ବେଦନଶୀଳ ଏବଂ ଦୁଇଟି ଅତି ସମ୍ବେଦନ ଶୀଳ ବୁଥ ଅଂଚଳରେ ଏପରି ମାର୍ଚ୍ଚ କରାଯିବ ବୋଲି ଆରକ୍ଷୀ ଅଧିକ୍ଷକ ଅବିନାଶ କୁମାର ସୂଚନା ଦେଇଛନ୍ତି।