ଦ୍ୱିତୀୟ ପର୍ଯ୍ୟାୟରେ ଏନଏସିରୁ ବାଦ ପଡିଲା ବଙ୍ଗୋମୁଣ୍ଡା

ବଙ୍ଗୋମୁଣ୍ଡା (ବଡ଼ ଖବର ବ୍ୟୁରୋ): ଦ୍ୱିତୀୟ ପର୍ଯ୍ୟାୟରେ ମଧ୍ୟ ଏନଏସି ମାନ୍ୟତାରୁ ବାଦ ପଡିଲା ବଙ୍ଗୋମୁଣ୍ଡା । ପୁଣି ତେଜୁଛି ଏନଏସି ମାନ୍ୟତା ଦାବି । ବଲାଙ୍ଗିର ଜିଲାର ବଙ୍ଗୋମୁଣ୍ଡାକୁ ଏନଏସି ମାନ୍ୟତା ପାଇଁ ଦୀର୍ଘ ବର୍ଷରୁ ଦାବି ହୋଇଆସୁଛି। ରାଜ୍ୟ ସରକାର ପ୍ରଥମ ପର୍ଯ୍ୟାୟରେ ୩୫ ଟି ଏନଏସି ଏବଂ ଦ୍ୱିତୀୟ ପର୍ଯ୍ୟାୟରେ ୨୨ଟି ନୂତନ ଏନଏସି ଘୋଷଣା କରିଛନ୍ତି । ରାଜୁଡ଼ା ଅମଳର ବଙ୍ଗୋମୁଣ୍ଡାକୁ ଦ୍ୱିତୀୟ ପର୍ଯ୍ୟାୟରେ ମଧ୍ୟ ଏନଏସି ମାନ୍ୟତାରୁ ବାଦ ଦିଆଯାଇଥିବାରୁ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି।

ବଙ୍ଗୋମୁଣ୍ଡାକୁ ଏନଏସି ମାନ୍ୟତା ଦାବିରେ ଗୁରୁବାର ବ୍ଲକ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନ ସହ ବ୍ଲକ କାର୍ଯ୍ୟାଳୟକୁ ବନ୍ଦ କରିବା ପାଇଁ ନିଷ୍ପତ୍ତି ନେଇଛନ୍ତି ।ରାଜ୍ୟ ଯୁବ ବିଜେଡି ସମ୍ପାଦକ ତଥା ସରପଞ୍ଚ ଅଜିତ ଯୋଶୀ, ବ୍ଲକ ଉପାଧ୍ୟକ୍ଷ କେଶବ ନାରାୟଣ ଜୈନ, ଇନ୍ଦ୍ରଧନୁ ସାଂସ୍କୃତିକ ଅନୁଷ୍ଠାନର ସଭାପତି ସନ୍ତୋଷ ତ୍ରିପାଠୀଙ୍କ ସହ ବଙ୍ଗୋମୁଣ୍ଡା ଗ୍ରାମବାସୀ ବ୍ଲକ ସମ୍ମୁଖରେ ଏନଏସି ମାନ୍ୟତା ଦାବିରେ ଆମରଣ ଅନଶନ ବସିବା ପାଇଁ ଚେତାବନୀ ଦେଇଛନ୍ତି ।