ବଙ୍ଗୋମୁଣ୍ଡା(ବଡ଼ ଖବର ବ୍ୟୁରୋ): ବାଟ ହୁଡିଛି ସରକାରୀ ଯୋଜନା । ଥିଲାବାଲା ଯୋଜନାରେ ଅନ୍ତଭୁକ୍ତ ଥିବା ବେଳେ ଯୋଗ୍ୟ ହିତାଧିକାରୀଙ୍କୁ ମିଳୁନି ଫାଇଦା । ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅଲଣ୍ଡା ପଂଚାୟତର ବକାଗୁରା ଗାଁରେ ଦେଖିବାକୁ ମିଳିଛି ଏହାର ଜ୍ୱଳନ୍ତ ଉଦାହରଣ । ବକାଗୁରା ଗାଁର ୭୦ ବର୍ଷୀୟା କୃଷ୍ଣମହାନନ୍ଦା । ଦଳିତ ବୃଦ୍ଧା ଅତି ଦୟନୀୟ ଭାବେ କାଟୁଛନ୍ତି ଦିନ । ପଲିଥିନ ଟଣା ଝାଟିମାଟି ଘରେ ସବୁବେଳେ ରହୁଛି ସାପର ଭୟ । ଭାଗ୍ୟ ଓ ଭଗବାନଙ୍କ ଭରଷାରେ ଦିନ କାଟୁଛନ୍ତି କୃଷ୍ଣ । ଆବାସ ଯୋଜନାରେ ପକ୍କାଘର ଖଣ୍ଡେ ଲାଗି ରାଜନେତାଙ୍କଠାରୁ ପ୍ରଶାସନିକ ଅଧିକାରୀଙ୍କୁ ଗୁହାରି କରିଥିଲେ ସୁଦ୍ଧା କିଛି ସୁଫଳ ମିଳିନାହିଁ । ଆବାସ ଯୋଜନାରେ ପକ୍କାଘର ଖଣ୍ଡେ ମିଳିଲେ ବାକି ଜୀବନ ଖୁସିରେ କାଟି ଦିଅନ୍ତି ବୋଲି କହିଛନ୍ତି କୃଷ୍ଣ ।
