ଓକିଲ ସଙ୍ଘର ନିର୍ବାଚନ

କଟକ (ବଡ଼ ଖବର ବ୍ୟୁରୋ): କଟକ କ୍ରିମିନାଲ କୋର୍ଟ ବାର ଆସୋସିଏସନରେ ନିର୍ବାଚନ ଅନୁଷ୍ଠିତ ହୋଇଯାଇଛି । ଏହି ନିର୍ବାଚନରେ ଦିଲ୍ଲୀପ କୁମାର ପଟ୍ଟନାୟକ ସଭାପତି ଭାବରେ ନିର୍ବାଚିତ ହୋଇଥିଲେ । ଉପସଭାପତି ଭାବରେ ଟଙ୍କଧର ମିଶ୍ର ନିର୍ବାଚିତ ହୋଇଥିଲେ। ସମ୍ପାଦକ ଭାବରେ ସ୍ମୃତି ରଞ୍ଜନ ରାଉତ ନିର୍ବାଚିତ ହୋଇଥିବା ବେଳେ ଗଗନ ବାରିକ ସହ ସମ୍ପାଦକ ଭାବରେ ନିର୍ବାଚିତ ହୋଇଥିଲେ । ଅନ୍ୟମାନଙ୍କ ଭିତରେ କୋଷାଧକ୍ଷ ଭାବରେ ଶିଶିର ରଞ୍ଜନ ବିଶ୍ୱାଳ , ଲାଇବ୍ରେରୀ ସମ୍ପାଦକ ରାଜକିଶୋର ମହାରଣା ଏବଂ କାର୍ୟ୍ୟନିର୍ବାହୀ ସଂସ୍ଥା ସଦସ୍ୟ ଭାବରେ ବାସୁଦେବ ସେଠୀ, ଜ୍ୟୋତିରଞ୍ଜନ ପରିଜା , ମହାଦେବ ସୁବୁଦ୍ଧି , ନୀଳାଦ୍ରି ମହାରଣା ପ୍ରମୁଖ ନିର୍ବାଚିତ ହୋଇଥିଲେ।