ନ୍ୟାୟ ମାଗୁଛନ୍ତି ମହିଳା

ଭଦ୍ରକ(ବଡ଼ ଖବର ବ୍ୟୁରୋ): ନ୍ୟାୟ ପାଇବା ପାଇଁ ପୋଲିସର ଦ୍ୱାରସ୍ଥ ହେଲେ ମହିଳା । ଜମି ଜମା ବିବାଦକୁ ନେଇ ପୁରୁଣା ବଜାର ଥାନକୁ ଦୌଡ଼ି ଦୌଡ଼ି ହତାଶ ହେବା ପରେ ଥାନା ସମ୍ମୁଖରେ ଧାରଣାରେ ବସିଛନ୍ତି ମହିଳା । ମିର୍ଜାପୁରର ନୁନିଆ ମହଲା ମନୋରା ବିବିଙ୍କ ବୟସ ୪୫ ବର୍ଷ । ଅନ୍ୟ ଦୁଇ ଜଣ ସେକ ସୁଫିୟାନ ଓ ସେକ ଉଷମାନ ମିଶି ଜୋର ଜବରଦସ୍ତ ତାଙ୍କ ଜାଗାରେ ଘର ତିଆରି କରୁଛନ୍ତି । ସେ ବିଧବା ହୋଇଥିବାରୁ ତାଙ୍କୁ ଆକ୍ରମଣ କରିବା ସହ ଜୀବନରୁ ମାରି ଦେବାକୁ ଧମକ ଦେଉଛନ୍ତି । ତାଙ୍କ ପିଲାମାନଙ୍କୁ ମାରିବା ପାଇଁ ମଧ୍ୟ ଧମକ ଦେଇଛନ୍ତି । ତାଙ୍କର କେହି ସାହାରା ନଥିବାରୁ ମହିଳା ଜଣକ ନ୍ୟାୟ ପାଇଁ ଆଜି ପୋଲିସର ଦ୍ୱାରସ୍ଥ ହୋଇଛନ୍ତି । ଦେଖିବାକୁ ବାକି ରହିଲା ମହିଳାଙ୍କୁ କେବେ ନ୍ୟାୟ ମିଳୁଛି ।