ବନ୍ଦ ରହିବ ଭିତରକନିକା

ରାଜନଗର (ବଡ଼ ଖବର ବ୍ୟୁରୋ): କୁମ୍ଭୀର ଗଣନା ପାଇଁ ବନ୍ଦ ରହିବ ଭିତରକନିକା । ଜାନୁଆରୀ ୧୫ରୁ ଆରମ୍ଭ ହେବ ବାର୍ଷିକ କୁମ୍ଭୀର ଗଣନା । ୧୫ ରୁ ୨୩ ତାରିଖ ପର୍ଯ୍ୟନ୍ତ ପର୍ଯ୍ୟଟକଙ୍କ ପାଇଁ ବନ୍ଦ ରହିବ ଜାତୀୟଉଦ୍ୟାନ ଭିତରକନିକା । କୁମ୍ଭୀର ବିଷାରଦ ସୁଧାକରଙ୍କ ନେତୃତ୍ୱରେ ଗଣନା କରାଯିବ । ଏହି ଗଣନା ୯ଦିନ ଧରି ଚାଲିବା ନେଇ ସୂଚନା ଦେଇଛନ୍ତି ରାଜନଗର ବନଖଣ୍ଡ ଅଧିକାରୀ ବିକାଶ ରଞ୍ଜନ ଦାସ । ପ୍ରତିବର୍ଷ ଡିସେମ୍ବର ଶେଷ ସପ୍ତାହ ଓ ଜାନୁଆରୀ ପ୍ରଥମ ସପ୍ତାହରେ ଗଣନା କରାଯାଇଥାଏ । କିନ୍ତୁ ଚଳିତ ବର୍ଷ ବ୍ୟତିକ୍ରମ ଦେଖାଦେଇଛି । ଇକୋରିଟ୍ରିଟ୍ ଚାଲିଥିବାରୁ ପର୍ଯ୍ୟଟକଙ୍କ ଆଗମନକୁ ନଜରରେ ରଖି ଗଣନା କରାଯାଇ ନାହିଁ । ଏହି ଗଣନା ଜାନୁଆରୀ ୫ରୁ ୧୪ ମଧ୍ୟରେ କରାଯିବା ପାଇଁ ନିଷ୍ପତ୍ତି ନିଆଯାଇଥିଲା । କିନ୍ତୁ ପରେ ଏହାକୁ ପରିବର୍ତ୍ତନ କରାଯାଇ ୧୫ ରୁ ୨୩ ଯାଏ କରାଯିବ ବୋଲି ବନବିଭାଗ ପକ୍ଷରୁ ସୂଚନା ମିଳିଛି ।