କୋଟିଆରେ ପୁଣି ଆନ୍ଧ୍ରର ଅନୁପ୍ରବେଶ
କୋଟିଆ (ବଡ଼ ଖବର ବ୍ୟୁରୋ): କୋଟିଆରେ ପୁଣି କାର୍ଯ୍ୟକ୍ରମ ଆରମ୍ଭ କଲା ଆନ୍ଧ୍ର । କୋଟିଆ ବିବାଦର ସମାଧାନ ନିମନ୍ତେ ମାନ୍ୟବର ସୁପ୍ରିମକୋର୍ଟ ଉଭୟ ଓଡ଼ିଶା ଏବଂ ଆନ୍ଧ୍ରର ଜନପ୍ରତିନିଧି ଓ ପ୍ରଶାସନିକ ଅଧିକାରୀଙ୍କୁ ଆପସ ବୁଝାମଣାରେ ଉକ୍ତ ବିବାଦକୁ ସମାଧାନ ନିମନ୍ତେ ନିର୍ଦ୍ଦେଶ ଦେଇଥିବାବେଳେ ଆଜି ପୁଣି ଆନ୍ଧ୍ରପ୍ରଦେଶ ଦ୍ୱାରା ସୀମାନ୍ତ ଗ୍ରାମ ନେରେଡିବାଲାସା ଠାରେ ଆନ୍ଧ୍ରର ସ୍ପନ୍ଦନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି।
ଉକ୍ତ କାର୍ଯ୍ୟକ୍ରମଟି ଆନ୍ଧ୍ରପ୍ରଦେଶ ର କୋଟିଆ ଥାନା ଦ୍ୱାରା ଆୟୋଜିତ ହୋଇଥିବାବେଳେ ଥାନା ଅଧିକାରୀ ସି ଆଇ ବି.ରୋହିନୀ ପଥୀଙ୍କ ଅଧ୍ୟକ୍ଷତାରେ ଆୟୋଜିତ ହୋଇଥିଲା। ଉକ୍ତ କାର୍ଯ୍ୟକ୍ରମରେ ନେରେଡିବାଲାସା ଗ୍ରାମବାସୀ ଉପସ୍ଥିତ ହେବା ସହ ଗ୍ରାମରେ ପାନୀୟଜଳ ଅବ୍ୟବସ୍ଥା, ଆଧାରକାର୍ଡ ଇ କେ ୱାଇସି କରାଯିବା, ଜାତି ଗତ ପ୍ରମାଣପତ୍ର କରାଯିବା, ନେରେଡିବାଲାସା ଠାରୁ ସାଲୁର ପର୍ଯ୍ୟନ୍ତ ବସ ସେବା, ଉକ୍ତ ଗ୍ରାମରେ ଗ୍ରାମବାସୀ ବିଭିନ୍ନ ରୋଗାରେ ରୋଗାକ୍ରାନ୍ତ ହୋଇଥିବା କାରଣରୁ ମେଡିକାଲ କ୍ୟାମ୍ପ କରାଯିବା ନିମନ୍ତେ ଦାବିକରିଥିବା ନେଇ ଜଣାପଡିଅଛି।