ବିହାର ବିଧାନସଭାରେ ଆଜି ନୀତୀଶଙ୍କ ଫ୍ଲୋର ଟେଷ୍ଟ

ବିହାର (ବଡ଼ ଖବର ବ୍ୟୁରୋ): ଆଜି ବିହାର ବିଧାନସଭାରେ ଫ୍ଲୋରଟେଷ୍ଟ। ଆସ୍ଥା ଲୋଡିବେ ମୁଖ୍ୟମନ୍ତ୍ରୀ ନୀତୀଶ କୁମାର। ଆସ୍ଥା ଭୋଟକୁ ଲକ୍ଷ୍ୟ କରି ଚାଲିଛି ରିସୋର୍ଟ ପଲିଟିକ୍ସ। କଂଗ୍ରେସ ବିଧାୟକମାନଙ୍କୁ ହାଇଦ୍ରାବାଦ ନିଆଯାଇଛି। ୨୪୩ ଆସନ ବିଶିଷ୍ଟ ବିହାର ବିଧାନସଭାରେ ବିଜେପି ଓ ଜେଡିୟୁ ମେଣ୍ଟ ସଦସ୍ୟଙ୍କ ସଂଖ୍ୟା ୧୨୮ ରହିଛି। ବିଜେପିର ୭୮, ଜେଡିୟୁର ୪୫, ହାମ-ଏସର ୪ ଓ ଜଣେ ସ୍ବାଧୀନ ବିଧାୟକ ଅଛନ୍ତି। ସେପଟେ ବିରୋଧୀ ମେଣ୍ଟରେ ୧୧୪ ଜଣ ସଦସ୍ୟ ରହିଛନ୍ତି ।

ବିରୋଧୀ ମେଣ୍ଟରେ ୧୧୪ ଜଣ ସଦସ୍ୟ ରହିଛନ୍ତି । ଆରଜେଡିର ୭୯, କଂଗ୍ରେସର ୧୯, ସିପିଏମଏଲ(ଏଲ)ର ୧୨, ସିପିଏମର ୨ ଓ ସିପିଆଇର ୨ ବିଧାଯକ ଅଛନ୍ତି। କୌଣସି ମେଣ୍ଟରେ ସାମିଲ ହୋଇନି ଏଆଇଏମଆଇଏମ। ଏହି ଦଳର ସଦସ୍ୟ ସଂଖ୍ୟା ମାତ୍ର ଜଣେ। ବିହାର ବିଧାନସଭାରେ ମ୍ୟାଜିକ ନମ୍ବର ରହିଛି ୧୨୨। ଏହାଠାରୁ ୬ ଜଣ ଅଧିକ ସଦସ୍ୟ ବର୍ତ୍ତମାନ ନୀତୀଶଙ୍କ ସପକ୍ଷରେ ରହିଛି। ଆରଜେଡି ବିଧାୟକମାନେ ତେଜସ୍ବୀ ଯାଦବଙ୍କ ବାସଭବନରେ ରହିଥିବାବେଳେ କଂଗ୍ରେସ ବିଧାୟକମାନେ ହାଇଦ୍ରାବାଦରେ ରହିଛନ୍ତି। ବିଧାନସଭାରେ ଉପସ୍ଥିତ ରହିବା ଲାଗି ନିଜର ବିଧାୟକଙ୍କ ଲାଗି ହ୍ବିପ ଜାରି କରିଛନ୍ତି ହିନ୍ଦୁସ୍ତାନ ଆୱାମ ମୋର୍ଚ୍ଚା ନେତା ।