ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କରୋନା ଆତଙ୍କ ପରେ ଏବେ ବାର୍ଡ ଫ୍ଲୁ ଦେଶର ବିଭିନ୍ନ ସ୍ଥାନରେ ଚିହ୍ନଟ ହୋଇଛି । ରାଜସ୍ଥାନ, କେରଳ, ହରିୟାଣା, ମଧ୍ୟପ୍ରଦେଶ ପରେ ଏବେ ହିମାଚଳ ପ୍ରଦେଶରେ ବାର୍ଡ ଫ୍ଲୁ ଆତଙ୍କ ଦେଖିବାକୁ ମିଳିଛି । କାଙ୍ଗଡା ଉପତ୍ୟକାର ପଙ୍ଗ ଡ୍ୟାମ ତଥା ନାଗ୍ରୋତା ସୁରିଆନ ଅଞ୍ଚଳରେ ୧୮୦୦ ବିଦେଶାଗତ ପକ୍ଷୀଙ୍କର ମୃତ୍ୟୁ ହୋଇଛି । କେନ୍ଦ୍ରା ତଥ୍ୟ ଅନୁସାରେ ଭାରତୀୟ ପ୍ରାଣୀ ଚିକିତ୍ସା ପ୍ରତିଷ୍ଠାନ ଲାବୋରେଟାରୀରେ ମୃତ ପକ୍ଷୀମାନଙ୍କ ନମୁନାରେ ବାର୍ଡ ଫ୍ଲୁ ଥିବା ଜଣାପଡ଼ିଛି । ଏମାନଙ୍କ ସୁରକ୍ଷା ପାଇଁ କେନ୍ଦ୍ର ପରିବେଶ ଓ ଜଙ୍ଗଲ ମନ୍ତ୍ରାଳୟ ପକ୍ଷରୁ ମୁଖ୍ୟ ବନ୍ୟପ୍ରାଣୀ ସଂରକ୍ଷକଙ୍କୁ ଚିଠି ଲେଖାଯାଇଛି ।
ଏଥିପାଇଁ ସମସ୍ତ ରାଜ୍ୟମାନଙ୍କୁ ସତକର୍ତା ଅବଲମ୍ବନ କରିବାକୁ ସୂଚନା ଦିଆଯାଇଛି । ରାଜ୍ୟ ପାଇଁ ଏସଓପି ଜାରି କରାଯାଇଛି । ଏଥିପାଇଁ ରାଜ୍ୟସ୍ତରୀୟ ମନିଟରିଂ କମିଟି ଗଠନ କରାହେବ । ଜରୁରୀକାଳୀନ ପରିସ୍ଥିତିରେ ବିଦେଶାଗତ ପକ୍ଷୀଙ୍କୁ ମନିଟର କରିବା ପାଇଁ ଏକ ଆକ୍ସନ ପ୍ଲାନ୍ ପ୍ରସ୍ତୁତ ହେବ। ସ୍ଥାନୀୟ ପଶୁ ସମ୍ପଦ ବିଭାଗ ବିଦେଶାଗତ ପକ୍ଷୀଙ୍କ ସଂପର୍କରେ ସାପ୍ତାହିକ ତଥ୍ୟ ସଂଗ୍ରହ କରି ମନ୍ତ୍ରାଳୟକୁ ପଠାଇବ।
