ତାଳଚେରରୁ ମିଳିଲା ବିର୍ଜୁଙ୍କ ପତ୍ତା

ସୁନ୍ଦରଗଡ/ଅନୁଗୁଳ(ବଡ଼ ଖବର ବ୍ୟୁରୋ): ତାଳଚେରରୁ ଉଦ୍ଧାର ହେଲେ ବହୁ ଚର୍ଚ୍ଚିତ ପାକିସ୍ତାନ ଫେରନ୍ତା ବିର୍ଜୁ କୁଲୁ । ସୁନ୍ଦରଗଡରୁ ନିଖୋଜ ବିର୍ଜୁଙ୍କୁ ୩ ଦିନ ପରେ ତାଳଚେରରୁ ଉଦ୍ଧାର କରିଛି ପୋଲିସ । ତାଳଚେର ଅଂଚଳରେ ବୁଲୁଥିବା ବେଳେ ଉଦ୍ଧାର କରିଛି ସ୍ଥାନୀୟ ପୋଲିସ । ମାନସିକ ଭାରସାମ୍ୟ ହରାଇ ଘରୁ ବାହାରି ଟ୍ରକରେ ପଳାଇଥିଲେ ।

ଗତ ୨ ତାରିଖ ରାତିରୁ ବିର୍ଜୁ ନିଖୋଜ ହୋଇଯାଇଥିଲେ । ପାକିସ୍ତାନର ଲାହୋର ଜେଲରେ ୨୦ ବର୍ଷ ସଜା କାଟିବା ପରେ ଓଡିଶା ଫେରିଥିଲେ । ନଭେମ୍ବର ୧୩ରେ ଜନ୍ମମାଟି କୁତ୍ରାକୁ ଫେରିଥିଲେ । ଲାହୋର ଜେଲରେ କେମିତି ବନ୍ଦୀ ହେଲେ ତାର ଉତ୍ତର ମିଳିନଥିବା ବେଳେ ଶନିବାର ରାତିରୁ ସେ ନିଖୋଜ ଥିବା ତାଙ୍କ ଭଉଣୀ ଥାନାରେ ଅଭିଯୋଗ କରିଥିଲେ । ତା ପରେ ପରିବାର ସହ ଜିଲ୍ଲା ପ୍ରଶାସନ ପାଇଁ ଚିନ୍ତା ସୃଷ୍ଟି ହୋଇଥିଲା ।