ଶଙ୍ଖଭବନ ବୈଠକ, ଗ୍ରାଉଣ୍ଡରେ ଇମ୍ପାକ୍ଟ ଜିରୋ
ଭୁବନେଶ୍ୱର(ବଡ଼ ଖବର ବ୍ୟୁରୋ): ଶଙ୍ଖ ଭବନରେ ଘନଘନ ବୈଠକ! ଆଉଟପୁଟ୍ ଜିରୋ! ନା ଲାଗୁଛି ମେଳିରେ ବ୍ରେକ୍? ନା ବାନ୍ଧିହେଉଛି ନେତାଙ୍କ ମୁହଁରେ ତୁଣ୍ଡି । ପୁରା ହଡବଡେଇ ଯାଇଛନ୍ତି ନବୀନ-ପାଣ୍ଡିଆନ୍ ଯୋଡି । ବୁଦ୍ଧି ଦିଶୁନି କରିବେ କ’ଣ? କେମିତି ନେତାଙ୍କ ଅଭିମୁଖ୍ୟରେ କରିବେ ପରିବର୍ତ୍ତନ । ସମନ୍ୱୟ କମିଟି ଭରଷାରେ ବାଟ ଚାଲୁଥିବା ବେଳେ ନେତା କିନ୍ତୁ କରୁନାହାନ୍ତି ଖାତିର । ବିଧାନସଭାରୁ ନେଇ ଦଳୀୟ କାର୍ଯ୍ୟକ୍ରମରେ ନେତା-ନେତାଙ୍କ ଭିତରେ ଆରମ୍ଭ ହୋଇଯାଇଛି ଶୀତଳଯୁଦ୍ଧ । ମୁଁ ଥାଉଥାଉ ସେ କାହିଁକି ବସିଲା । ସେ ଆଜି ଦଳକୁ ଆସି କେମିତି କ୍ଷମତାଶାଳୀ ହେବ? ମୁଁ ଜିତିଛି ହେଲେ ହାରିବା ଲୋକଙ୍କୁ କାହିଁକି ଦିଆଯାଉଛି ଗୁରୁତ୍ୱ? ଏଭଳି ଅନେକ ପ୍ରଶ୍ନକୁ ନେଇ ନେତାଙ୍କ ଭିତରେ ଦେଖାଗଲାଣି ମତାନ୍ତର ମନାନ୍ତର ।
ଯାହାକୁ ନେଇ ନବୀନ ନିବାସ ପ୍ରତ୍ୟେକ ଦିନ ଉଠୁଛି ପଡୁଛି । ଖାଲି ନେତା ନେତା ନୁହନ୍ତି ଖୋଦ ଦଳର ସୁପ୍ରିମୋଙ୍କ ଆଡେ ନେତାଙ୍କ ଅଙ୍ଗୁଳି । ପାଣ୍ଡିଆନଙ୍କୁ ନେଇ ଗୃହଯୁଦ୍ଧ! କାହିଁକି ଏବେ ବି ନବୀନ ତାଙ୍କୁ ଦେଇଛନ୍ତି ସ୍ଥାନ! ହରାଇ ଦଳକୁ ବୁଡାଇବାକୁ ବସିଥିବା ଅଣଓଡ଼ିଆଙ୍କ ପ୍ରତି ଆପଣଙ୍କର ଏତେ ଦରଦ କାହିଁକି ଜବାବ ବି ମାଗିବା କୁଆଡେ ଆରମ୍ଭ ହୋଇଯାଇଛି । ଜବାବରେ ଅଟକିନି ବିଜେଡି ଭିତିରି କଥା, ଖୋଲାଖୋଲି ମୁହଁ ଖୋଲି ଅଣଓଡ଼ିଆଙ୍କ ଚିନ୍ତାଧାରା ଫାଇଭ୍-ଟି ପାଇଁ ମଲୁ ବୋଲି ଦଳର ବରିଷ୍ଠ ନେତା କଲେଣି ପ୍ରକାଶ । ଯାହା ବେଶ ବାରି ହୋଇପଡୁଛି ଶଙ୍ଖ ଦଳରେ । ନବୀନଙ୍କ ହାତରୁ ଧିରେ ଧିରେ ନେତା ଖସିବା ପାଇଁ ପ୍ରୟାସ ଆରମ୍ଭ କରିସାରିଛନ୍ତି ।
କାହିଁକି ନା ନେତା ମାନେ ନିଜ ସ୍ୱାଭିମାନ ଆଉ ସମ୍ମାନରେ ବଞ୍ଚିବା ପାଇଁ ଚାହୁଁଛନ୍ତି । ଅଣଓଡ଼ିଆ କଳଙ୍କ ମୁଣ୍ଡାଇ ବଞ୍ଚିବାକୁ ଚାହୁଁନାହାନ୍ତି । ଯାହାକୁ ନେଇ ନବୀନଙ୍କ ଅଭିମୁଖ୍ୟକୁ ନେଇ କ୍ଷୁବ୍ଧ ନେତା । ଗ୍ରାଉଣ୍ଡରୁ ନେଇ ରାଜଧାନୀ, ଏହାକୁ ନେଇ ଲାଗିରହିଛି ତୀବ୍ର ଅସନ୍ତୋଷ । ଯେତେ ମାନଭଞ୍ଜନ ପାଇଁ ନେତାଙ୍କର ଚାହିଁଲେ ବି ହେଉନାହିଁ ସଫଳ । ଏମିତି କି ଆକ୍ସନ ନେବାକୁ ନବୀନ ଦେଲେଣି ପଛଘୁଞ୍ଚା । ଯାହା ବିଜେଡି ପାଇଁ ଅଡୁଆ ସୃଷ୍ଟି କରିଛି । ବୈଠକ ପରେ ବୈଠକ ବସାଇ କିଛିନା କିଛି ବାଟ କାଢିବାକୁ ଚାହୁଁଥିଲେ ବି ବାହାରୁନି ରାସ୍ତା । କାର୍ଯ୍ୟକ୍ରମ ପରେ କାର୍ଯ୍ୟକ୍ରମ କରି ନେତାଙ୍କୁ ଏକତ୍ରିତ କରି ରଖିବାର ପ୍ରୟାସ ବି ହେଉଛି ଫେଲ୍ । ଆହୁରି ବଢୁଛି ଗୋଷ୍ଠୀ କନ୍ଦଳ । କେମିତି ଏଥିରୁ ବିଜେଡିକୁ ରକ୍ଷା ମିଳିବ କାହାରି ପାଖରେ ନାହିଁ କିଛି ରଣନୀତି । ଥିଲେ ବି କେହି ଚାହୁଁନାହାନ୍ତି ତାକୁ କରିବାକୁ ଇମ୍ପଲିମେଣ୍ଟ ।