ଏନଆଇଏ ଦ୍ୱାରା ତଦନ୍ତକରିବାକୁ ବିଜେପି ଦାବି

ସମ୍ବଲପୁର(ବଡ଼ ଖବର ବ୍ୟୁରୋ):  ସମ୍ବଲପୁର  ଘଟଣାର ଏନଆଇଏ ଦ୍ୱାରା ତଦନ୍ତ କରିବାକୁ ବିଜେପି ଦାବି କରିଛି । କେନ୍ଦ୍ର ଗୃହମନ୍ତ୍ରୀଙ୍କୁ ବିଜେପି ଲେଖିଥିବା ଚିଠିରେ ଉଲ୍ଲେଖ କରାଯାଇଛି, ସମ୍ବଲପୁର ସହରରେ ସଂଘବଦ୍ଧ ଆକ୍ରମଣରୁ ବହୁ ସଂଖ୍ୟାରେ ସାଧାରଣ ଜନତାଙ୍କ ସମେତ ପୋଲିସ ମଧ୍ୟ ଗୁରୁତର ହୋଇଛନ୍ତି । ବ୍ୟାପକ ମାତ୍ରାରେ ଦୋକାନ ବଜାର, ଯାନବାହନ, ସରକାରୀ ଓ ବେସରକାରୀ ସମ୍ପତି ପୋଡି ଦିଆଯାଇଛି । ବିପର୍ୟ୍ୟସ୍ତ ଆଇନଶୃଙ୍ଖଳା ପରିସ୍ଥିତି ଏବଂ ସାଂପ୍ରଦାୟୀକ ଗଣ୍ଡଗୋଳରୁ ହିଂସାକାଣ୍ଡ ଘଟିଥିଲା । ଏହି ଘଟଣାର ନିରପେକ୍ଷ ତଦନ୍ତ ଏନଆଇଏ ଦ୍ୱାରା କରାଯାଇ ଷଡଯନ୍ତ୍ରକାରୀଙ୍କ ବିରୁଦ୍ଧରେ କଠୋର କାର୍ୟ୍ୟାନୁଷ୍ଠାନ ଗ୍ରହଣ କରିବାକୁ ବିଜେପି ରାଜ୍ୟ ସାଭାପତି ମନମୋହନ ସାମଲ ଦାବି କରିଛନ୍ତି ।