ସତ୍ୟପାଲଙ୍କୁ ପୋଲିସ ଷ୍ଟେସନ ଡକାଯାଇନାହିଁ କି ଗିରଫ କରାଯାଇନାହିଁ: ପୋଲିସ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଜାମ୍ମୁ କାଶ୍ମୀର ପୂର୍ବତନ ରାଜ୍ୟପାଳ ସତ୍ୟପାଲ ମଲ୍ଲିକଙ୍କୁ ଗିରଫ କରାଯାଇନାହିଁ । ଗିରଫ କରାଯିବା ପ୍ରସଙ୍ଗକୁ ନେଇ ସ୍ପଷ୍ଟିକରଣ ରଖିଛି ଦିଲ୍ଲୀ ପୋଲିସ । ପୋଲିସ କହିଛି ତାଙ୍କୁ ପୋଲିସ ଷ୍ଟେସନ ଡକାଯାଇ ନାହିଁ କି ଅଟକ ରଖା ଯାଇନାହିଁ । ଦିଲ୍ଲୀ ପୋଲିସ ଡିସିପି କହିଛନ୍ତି, ସତ୍ୟପାଲ ମଲିକଙ୍କ ପୁଅ ଓ ଝିଅ ଆର.କେ ପୁରାମ ଅଞ୍ଚଳରେ ରୁହନ୍ତି।

ସତ୍ୟପାଲ ମଲିକ ଜନତାଙ୍କ ସହ ସେଣ୍ଟ୍ରାଲ ପାର୍କ, ସେକ୍ଟର -୧୨, ଆର.କେ ପୁରାମରେ ବୈଠକ କରିଥିଲେ । ପାର୍କରେ ଇଭେଣ୍ଟ ପାଇଁ ଅନୁମତି ନିଆଯାଇନଥିଲା। ପାର୍କରେ ବୈଠକ କରିବାକୁ ସେମାନଙ୍କର ଅନୁମତି ନଥିଲା । ପୋଲିସ ତାଙ୍କୁ ସର୍ବସାଧାରଣ ସ୍ଥାନରେ ବୈଠକ ଅନୁମତି ଦିଆଯାଇଛି କି ବୋଲି ପଚାରିବାରୁ ସେ ନା କହିଥିଲେ । ଏହା ପରେ ସତ୍ୟପାଲ ମଲିକ ତାଙ୍କ କାରରେ ପୋଲିସ ଷ୍ଟେସନକୁ ଆସିଥିଲେ। ପୋଲିସ ସେମାନଙ୍କୁ ଡାକି ନଥିଲା କିମ୍ବା ଗିରଫ କରିନଥିଲା।