ସଂଗ୍ରାମ ପାତ୍ରଙ୍କ ଅଟକକୁ ନେଇ ବର୍ଷିଲା ବିଜେପି
ଭୁବନେଶ୍ୱର (ବଡ଼ ଖବର ବ୍ୟୁରୋ): ବିଜେପି ଆଇଟି ସେଲ୍ ସଦସ୍ୟଙ୍କୁ ପୋଲିସ ଅଟକକୁ ନିନ୍ଦା କଲା ବିଜେପି । ସୋସିଆଲ ମିଡିଆରେ ସମାଲୋଚନା ପାଇଁ ଗତକାଲି ରାତିରେ ସଂଗ୍ରାମ ପାତ୍ରଙ୍କୁ ସମ୍ବଲପୁରରେ ଅଟକ ରଖିଛି ପୋଲିସ । ଏହା ଗଣତନ୍ତ୍ରର ଏବଂ ବାକ ସ୍ଵାଧୀନତାର ହତ୍ୟା ବୋଲି କହିଲେ ବିଜେପି ଉପସଭାନେତ୍ରୀ ଲେଖାଶ୍ରୀ ସାମନ୍ତସିଂହାର । ପୂର୍ବରୁ ବି ଏ ସରକାର ଆକ୍ରୋଶମୂଳକ କାର୍ଯ୍ୟାନୁଷ୍ଠାନ ନେବାର ଉଦାହରଣ ରହିଛି ।
ଖାଲି ସଂଗ୍ରାମ ନୁହେଁ ପୂର୍ବରୁ ମଧ୍ୟ ଅନେକ ସାମାଜିକ କର୍ମୀଙ୍କୁ ପୋଲିସ ଆକ୍ରୋଶମୂଳକ ଗିରଫ କରିଛି । ରାଜନୈତିକ ସମାଲୋଚନା ଶୁଣିବାକୁ ନାରାଜ ସରକାର । ଶାସନ ଦାୟିତ୍ୱ ନିର୍ବାଚିତ ପ୍ରତିନିଧିମାନଙ୍କ ଠାରୁ ଅଧିକାରୀଙ୍କ ପାଖକୁ ପଳେଇଛି । ଯେଉଁଥିପାଇଁ ବିଜେଡି ସରକାର ରାଜନୈତିକ ସମାଲୋଚନାକୁ ସହିବାକୁ ନାରାଜ । ସାଧାରଣ ଦଫାରେ ଉଠେଇ ନେଇଛନ୍ତି । ସୋସିଆଲ ମିଡିଆରେ ସମାଲୋଚନା କଲେ ଏମିତି ଦଫାରେ ଗିରଫ କରିବା ନେଇ ସରକାର ସ୍ପଷ୍ଟ କରନ୍ତୁ ।
ଏହା ସାଢ଼େ ୪ କୋଟି ଓଡ଼ିଆଙ୍କ ମୁହଁ ବନ୍ଦ ପାଇଁ ଏହି ଉଦ୍ୟମ । ଯଦି ବିଜେପି କାର୍ଯ୍ୟକର୍ତ୍ତାଙ୍କ ଉପରେ ଏମିତି କାର୍ଯ୍ୟନୁଷ୍ଠାନ, ତେବେ ବିଜେପି ନେତ୍ରୀମାନଙ୍କୁ ବିଜେଡିର କର୍ମୀ ଅସଭ୍ୟ ଭାଷାରେ ଗାଳି ଦେଉଥିଲେ ସେମାନଙ୍କ ଉପରେ କାହିଁକି ଚୁପ୍ ସରକାର । ତୁରନ୍ତ ସଂଗ୍ରାମ ପାତ୍ରଙ୍କୁ ଛାଡ଼ିବାକୁ ଦାବି କରିଛି ବିଜେପି । ଏଠି ଏକଛତ୍ରବାଦ, ଡିକ୍ଟେଟର ସରକାର ଚାଲିଛି ।