ଆଜିଠୁ ବିଜେପିର ମହା ଜନ ସମ୍ପର୍କ ଅଭିଯାନ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜିଠୁ ବିଜେପିର ମହା ଜନ ସମ୍ପର୍କ ଅଭିଯାନ । ରାଜସ୍ଥାନର ଆଜମିରରୁ ଏହି ଜନ ସମ୍ପର୍କ ଅଭିଯାନକୁ ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୫୪୩ ଲୋକସଭା ଆସନ ଅଞ୍ଚଳରେ ଏହି ମହା ଅଭିଯାନ ଚାଲିବ । ଆଜିଠାରୁ ଆରମ୍ଭ ହେଉଥିବା ଏହି ମହା ଅଭିଯାନ ଜୁନ ୩୦ରେ ସରିବ । ମୋଦି ସରକାରର ୯ ବର୍ଷ ପୂର୍ତ୍ତି ଅବସରରେ ଆୟୋଜିତ ହେବାକୁ ଥିବା ଏହି ମହା ଅଭିଯାନରେ ଲୋକଙ୍କୁ କେନ୍ଦ୍ର ସରକାରଙ୍କ ସଫଳତା ସମ୍ପର୍କରେ ଅବଗତ କରାଯିବ ।
ସମଗ୍ର ଦେଶରେ ୫୧ଟି ବଡ ଧରଣର ରାଲି, ୫୦୦ ସଭା ଓ ୬୦୦ରୁ ଅଧିକ ସାମ୍ବାଦିକ ସମ୍ମିଳନୀ କରାଯିବ । ୫୦୦ ଲୋକସଭା ଓ ୪୦୦ ବିଧାନସଭା ନିର୍ବାଚନ ମଣ୍ଡଳିର ୫ଲକ୍ଷ ପରିବାରଙ୍କୁ ଏହି କାର୍ଯ୍ୟକ୍ରମରେ ଯୋଡା ଯିବ । ବିଜେପିର ୨୮୮ ଟପ ନେତା, ୧୬ ଲକ୍ଷ ଦଳୀୟ କର୍ମକର୍ତ୍ତା କାର୍ଯ୍ୟକ୍ରମରେ ଯୋଡି ହେବେ ।