ବାଲେଶ୍ୱରରେ ବିଜେପିର ଶକ୍ତି ପ୍ରଦର୍ଶନ
ବାଲେଶ୍ୱର (ବଡ଼ ଖବର ବ୍ୟୁରୋ): ଚତୁର୍ଥ ପର୍ଯ୍ୟାୟ ଭୋଟ୍ ପାଇଁ ଆଜି ନାମାଙ୍କନର ଶେଷ ଦିନ । ବିଜେପି ଦେଖାଇଛି ସମର୍ଥକଙ୍କ ଶକ୍ତି । ବାଲେଶ୍ୱର ସଂସଦୀୟ କ୍ଷେତ୍ରର ବିଜେପି ସାଂସଦ ପ୍ରାର୍ଥୀ ପ୍ରତାପ ଚନ୍ଦ୍ର ଷଡଙ୍ଗୀ ନାମାଙ୍କନପତ୍ର ଦାଖଲ କରିବା ସହ ୭ ବିଧାନସଭା ନିର୍ବାଚନମଣ୍ଡଳିର ବିଧାୟକ ପ୍ରାର୍ଥୀ ବାଲେଶ୍ୱର ଜିଲାପାଳ ଓ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ଦାଖଲ କରିଛନ୍ତି । ବିଜେପିର ଏହି ହେଭିୱାଟ ନେତାଙ୍କ ନାମାଙ୍କନ ସମୟରେ ସମର୍ଥକ ଶକ୍ତି ପ୍ରଦର୍ଶନ କରିଛନ୍ତି ।
ବାଲେଶ୍ୱର ସହରର ଷ୍ଟେସନ ଛକ ଠାରୁ ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ପୁରା ରାସ୍ତା ପଦ୍ମ ମୟ ହୋଇଥିଲା । ସମର୍ଥକଙ୍କ ଜନସମୁଦ୍ର ଶକ୍ତି ସମସ୍ତଙ୍କ ମନରେ ହୁଏତ ଅଧିକ ଉତ୍ସାହ ଭରି ଦେଇଛି । ପ୍ରାର୍ଥୀ ମଧ୍ୟରୁ ଜଳେଶ୍ଵର ବିଜେପି ବିଧାୟକ ପ୍ରାର୍ଥୀ ବ୍ରଜମୋହନ ପ୍ରଧାନ, ଭୋଗରାଇ ପ୍ରାର୍ଥୀ ଆଶିଷ ପାତ୍ର, ବସ୍ତାରୁ ରବିନ୍ଦ୍ର ଅଣ୍ଡିଆ, ରେମୁଣା ଗୋବିନ୍ଦ ଦାସ ବାଲେଶ୍ୱର ସଦର ମାନସ କୁମାର ଦତ୍ତଙ୍କ ସହ ସାଂସଦ ପ୍ରାର୍ଥୀ ପ୍ରତାପ ଚନ୍ଦ୍ର ଷଡଙ୍ଗୀ ନାମାଙ୍କନ ଭରିଛନ୍ତି ।