ବ୍ରହ୍ମପୁର(ବଡ଼ ଖବର ବ୍ୟୁରୋ): ଗୋପାଳପୁର ବିଧାୟକ ତଥା ପୂର୍ବତନ ମନ୍ତ୍ରୀ ପ୍ରଦୀପ ପାଣିଗ୍ରାହୀ ବିଜେଡିରୁ ବହିଷ୍କୃତ ହେବା ପରେ ତାଙ୍କ ଗିରଫ ଦାବି ଜୋର ଧରିଛି । ଗଞ୍ଜାମ ଜିଲ୍ଲା ବିଜେପି ପ୍ରଦୀପଙ୍କ ବିରୋଧରେ ଗୁରୁତର ଅଭିଯୋଗ ଆଣିଛି । ଚିଟଫଣ୍ଡ, ଜମି ଦୁର୍ନୀତି, ଚାକିରି ଦେବା ନାରେ ଠକେଇ ଭଳି ଅଭିଯୋଗ ଆଣି ବିଜେପି ଆଜି ବ୍ରହ୍ମପୁର ଏସପି ଅଫିସ ଆଗରେ ଧାରଣା ଦେଇଥିଲା । ବିଧାୟକଙ୍କୁ ତୁରନ୍ତ ଗିରଫ କରିବାକୁ ବିଜେପି ନେତାମାନେ ଦାବି କରିଥିଲେ । ପରେ ଦଳ ପକ୍ଷରୁ ଏସପିଙ୍କୁ ଲିଖିତ ଦାବିପତ୍ର ପ୍ରଦାନ କରାଯାଇଛି ।
