ବିଧାୟକଙ୍କ ଘର ଉଚ୍ଛେଦ ଦାବି ଜୋର ଧରିଲା

ବଡ଼ମ୍ବା(ବଡ଼ ଖବର ବ୍ୟୁରୋ): ବଡ଼ମ୍ବା ବିଧାୟକ ତଥା ପୂର୍ବତନ ମନ୍ତ୍ରୀ ଦେବୀପ୍ରସାଦ ମିଶ୍ରଙ୍କ ଘର ଭାଙ୍ଗିବା ପାଇଁ ବିଜେପି ପକ୍ଷରୁ ଆରମ୍ଭ ହୋଇଛି ଆନ୍ଦୋଳନ । ନରସିଂହପୁର ତହସିଲର ଡମକଟା ମୌଜାର କାତାନଂ ୧୨୬, ପ୍ଳଟ ନଂ ୧୯୭ ଓ ୧୯୭/୫୨୬ କିସମ ବଗାୟତକୁ ଜବରଦଖଲ କରି ସେଠାରେ ଦସ୍ୱବ ମହଲା ଘର କରିଛନ୍ତି ବିଧାୟକ ଦେବୀ ମିଶ୍ର । ମୋଟ ୧/୯୮ ସରକାରୀ ଜମି ସେ ବେଆଇନ ଭାବେ ଦଖଲ କରିଛନ୍ତି ବୋଲି ବିଜେପି ଅଭିଯୋଗ କରିଛି । ଏହୀ ସରକାରୀ ଜମିକୁ ମାପଚିହ୍ନଟ କରି ଜବରଦଖଲ ଉଚ୍ଛେଦ ପାଇଁ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶିବପ୍ରସାଦ ପଣ୍ଡା ସ୍ଥାନୀୟ ତହସିଲଦାର ଆଲୋକ କୁମାର ଦେହୁରୀଙ୍କ ଦୃଷ୍ଟି ଆକର୍ଷଣ କରିଛନ୍ତି । ବିଧାୟକଙ୍କ ବେଆଇନ ଜବରଦଖଲ ଉଚ୍ଛେଦ ନହେଲେ ବିଜେପି ରାଜରାସ୍ତାକୁ ଓହ୍ଲାଇବ ବୋଲି ଶିବପ୍ରସାଦ ଚେତାବନୀ ଦେଇଛନ୍ତି । ସେପଟେ ବିଧାୟକ ଦେବୀପ୍ରସାଦ ମିଶ୍ର କହିଛନ୍ତି ବିଜେପି ବାଉଳା ହେଉଛି ।