ଜଳେଶ୍ୱର (ବଡ଼ ଖବର ବ୍ୟୁରୋ): ଥମୁନି ଧଳାଜହର କାରବାର । ପୁଣି ଜଳେଶ୍ବରରୁ ଜବତ ହେଲା ୧୫୦ ଗ୍ରାମ ବ୍ରାଉନସୁଗାର । ଯାହାର ଆନୁମାନିକ ମୂଲ୍ୟ ୧୫ ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି । ଅବକାରୀ ବିଭାଗର ସ୍ପେଶାଲ ସ୍କ୍ବାର୍ଡ , ଜଣେ ମହିଳାଙ୍କ ସମେତ ଦୁଇ ଜଣ ବ୍ରାଉନସୁଗାର ବେପାରୀଙ୍କୁ ଗିରଫ କରିଛି । ମହିଳା ଜଣଙ୍କ ଯାଜପୁର ଜିଲ୍ଲା ବିଞ୍ଝାରପୁର ଅଞ୍ଚଳର ନଗମା ବିବି ହୋଇଥିବାବେଳେ ଅନ୍ୟ ଜଣେ ଯାଜପୁର ରୋଡ୍ ଅଞ୍ଚଳର ପ୍ରଫୁଲ ପାତ୍ର ।
ତାଙ୍କ ପାଖରୁ ଗୋଟିଏ ମହିନ୍ଦ୍ରା ଭ୍ୟାନ ଜବତ କରାଯାଇଛି । ଜଳେଶ୍ବରରୁ ଏକ ମହିନ୍ଦ୍ରା ଭ୍ୟାନ ଦ୍ରୁତ ଗତିରେ ଆସୁଥିବାଦେଖି ଚାଲନ୍ତି ଛକ ନିକଟରେ ଅବକାରୀ ବିଭାଗର ୧୫ ଜଣିଆ ସ୍ୱତନ୍ତ୍ର ସ୍କ୍ବାର୍ଡ ଅଟକାଇ ଥିଲା । ତାଙ୍କ ପାଖରୁ ୧୫ ଲକ୍ଷ ଟଙ୍କାର ବ୍ରାଉନ ସୁଗାର ଜବତ କରିଥିଲା । ଜଳେଶ୍ବର ଅଞ୍ଚଳରୁ ଗୋଟିଏ ମାସ ଭିତରେ ୬ କୋଟି ଟଙ୍କାର ବ୍ରାଉନସୁଗାର ଜବତ ହୋଇଥିବା ଜଣାପଡ଼ିଛି ।
