ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦେଶରେ ଖୁବଶୀଘ୍ର ଆରମ୍ଭ ହେବାକୁ ଯାଉଛି ବୁଲେଟ୍ ଟ୍ରେନ ସେବା । ଦିଲ୍ଲୀ ରୁ ବାରଣାସୀ ପର୍ୟ୍ୟନ୍ତ ଆରମ୍ଭ ହେବ ଏହି ସେବା । ଦେଶରେ ବୁଲେଟ୍ ଟ୍ରେନ୍ ଚଳାଇବାକୁ ଆରମ୍ଭ ହୋଇଛି ପ୍ରସ୍ତୁତି । ସଂସ୍ଥା ନେସନାଲ ହାଇ ସ୍ପିଡ୍ ରେଲ୍ କର୍ପୋରେସେନ୍ ଲିମିଟେଡର ସୂଚନା ମୁତାବକ ସେପ୍ଟେମ୍ବର ମାସ ସୁଦ୍ଧା ଦିଲ୍ଲୀ-ବାରଣାସୀ କରିଡର କାମ ଶେଷ ହୋଇଯିବ । ଦିଲ୍ଲୀର ଖାନ ମାର୍କେଟରୁ ବାରଣାସୀ ପର୍ୟ୍ୟନ୍ତ ପ୍ରାୟ ୮୬୫ କି.ମି ରୁଟ୍ରେ ବୁଲେଟ ଟ୍ରେନ୍ ଚଳାଚଳ ହେବ ।
ଏହା ସହିତ ଯମୁନା ଏକ୍ସପ୍ରେସ୍ଓ୍ବେରେ ହେବାକୁ ଥିବା ଏୟରପୋର୍ଟକୁ ମଧ୍ୟ ବୁଲେଟ୍ ଟ୍ରେନର ରାସ୍ତା ସଂଯୋଗ କରାଯିବ । ନୋଏଡାର ସେକ୍ଟର ୧୪୪ରେ ପ୍ରଥମ ଷ୍ଟେସନ୍ ନିର୍ମାଣ ହେବ । ସେହିଭଳି ବୁଲେଟ୍ ଟ୍ରେନର ଦ୍ବିତୀୟ ଷ୍ଟେସନ ଜେଓ୍ବର ଆନ୍ତର୍ଜାତୀୟ ବିମାନବନ୍ଦରରେ ହେବ ।
