ସଟଡାଉନ୍ ଭିସୁଟ ହଷ୍ଟେଲ

ସମ୍ବଲପୁର(ବଡ଼ ଖବର ବ୍ୟୁରୋ):ବୁର୍ଲା ଭିସୁଟର ବିଭିନ୍ନ ହଷ୍ଟେଲରୁ କରୋନା ଆକ୍ରାନ୍ତ ଚିହ୍ନଟ ହେବା ପରେ ସଂକ୍ରମଣକୁ ରୋକିବାକୁ ଚାଲିଛି ପ୍ରୟାସ । ୨୭ ତାରିଖରୁ ଅନିର୍ଦ୍ଧିଷ୍ଟ କାଳ ଯାଏଁ ଆଖପାଖ ଅଞ୍ଚଳରେ ଜାରିହୋଇଛି କଟକଣା । ବନ୍ଦ ରହିବ ସମସ୍ତ ଦୋକାନ ବଜାର, ଯାତାୟତ ଉପରେ ସମୂର୍ଣ୍ଣ କଟକଣା । ଭିସୁଟକୁ ସଟଡାଉନ ଘୋଷଣା କରିଛନ୍ତି ଜିଲ୍ଲାପାଳ । କରୋନା ସଂକ୍ରମଣର ଦ୍ୱିତୀୟ ଲହର ଆସିବା ପରେ ଭିସୁଟରେ ଛାତ୍ରଛାତ୍ରୀ ମାନଙ୍କୁ କରୋନା ସଂକ୍ରମିତ ହୋଇଥିବାରୁ ସମ୍ବଲପୁର ଜିଲ୍ଲାପାଳ ଶୁଭମ ସକ୍ସେନା ବୁର୍ଲା ସ୍ଥିତ ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାୟାଳୟର ୧୧ଟି ଛାତ୍ରାବାସକୁ କଣ୍ଟନମେଣ୍ଟ ଜୋନ୍ ଘୋଷଣା କରାଯାଇଛି ।

୧୧ଟି ଛାତ୍ରାବାସକୁ ମାଇକ୍ରୋ କଣ୍ଟନମେଣ୍ଟ ଜୋନ୍ ଘୋଷଣା କରାଯାଇଛି । ଭିସୁଟରେ କରୋନା ସଂକ୍ରମଣ ପରେ ଜିଲ୍ଲା ପ୍ରଶାସନ ଏଭଳି ନିଷ୍ପତି ନେଇଛନ୍ତି । ପୁଲହ ଛାତ୍ରାବାସର ପାଶ୍ୱର୍ବର୍ତ୍ତି ଅଞ୍ଚଳ ବଫର ଜୋନ୍ ଘୋଷଣା କରାଯାଇଛି । ଗାଡି ଚଳାଚଳ ଓ ସାଧାରଣ ଲୋକଙ୍କ ପ୍ରବେଶ ଉପରେ କଟକଣା ଜାରି କରାଯାଇଛି । ଜରୁରୀ ମେଡିକାଲ କେସରେ ଅନୁମତି ନେଇ ପ୍ରବେଶ କରିପାରିବେ, କଣ୍ଟେନମେଣ୍ଟ ଓ ବଫର ଜୋନରେ ବନ୍ଦ ରହିବ ସମସ୍ତ ଦୋକାନ, ଜରୁରୀ ସାମଗ୍ରୀ ପହଞ୍ଚାଇବ ମହାନଗର ନିଗମ, ପାଠପଢା ବାତିଲ କରାଯାଇଥିବା ବେଳେ ଅନଲାଇନରେ ହେବ ପରୀକ୍ଷା ।