ବସକୁ ପିଟିଲା ଟ୍ରକ, ଦୁଇ ଆହତ

ସୋର (ବଡ଼ ଖବର ବ୍ୟୁରୋ): ବସକୁ ପଛରୁ ପିଟିଲା ଟ୍ରକ । ବାଲେଶ୍ୱର ଜିଲ୍ଲା ସୋର ବାହାନଗା ବଜାର ନିକଟରେ ବସ ଦୁର୍ଘଟଣା ହୋଇଛି । ତେବେ ଆଜି ସକାଳୁ ବସଟି ବାଲେଶ୍ୱରରୁ ଭୁବନେଶ୍ଵର ଅଭିମୁଖେ ଯାଉଥିବା ବେଳେ ଦୁର୍ଘଟଣା ଘଟିଛି । ବସଟିକୁ ପଛପଟୁ ଏକ ଆନ୍ଧ୍ରା ଟ୍ରକ ଜୋରରେ ଧକ୍କା ଦେଇଥିଲା । ତେଣୁ ବସରେ ବସିଥିବା ଦୁଇ ଜଣ ଯାତ୍ରୀ ଆହତ ହୋଇଛନ୍ତି । ଏକ ବଡ଼ ଦୁର୍ଘଟଣାରୁ ବର୍ତ୍ତିଯାଇଛନ୍ତି ଯାତ୍ରୀ । ଟ୍ରକକୁ ଲୋକ ଅଟକ ରଖି ସୋର ପୋଲିସକୁ ଖବର ଦେଇଛନ୍ତି । ପୋଲିସ ଘଟଣା ସ୍ଥଳରେ ପହଞ୍ଚି ଟ୍ରକକୁ ଜବତ କରିବା ସହିତ ଡ୍ରାଇଭରକୁ ଅଟକ ରଖି ଅଧିକ ତଦନ୍ତ କରୁଛି ।