ଇତିହାସ ରଚିଲେ କ୍ୟାମ୍ଫର
(ବଡ଼ ଖବର ବ୍ୟୁରୋ): ଟି -୨୦ ବିଶ୍ୱକପରେ ଇତିହାସ ରଚିଛନ୍ତି ଆୟର୍ଲ୍ୟାଣ୍ଡ ପେସ ବୋଲର କର୍ଟିସ କ୍ୟାମ୍ଫର । ସୋମବାର ନେଦରଲ୍ୟାଣ୍ଡ ବିପକ୍ଷ ମୁକାବିଲାରେ ସେ ଚାରି ବଲରେ ୪ ୱିକେଟ୍ ନେଇ ଇତିହାସ ରଚିଛନ୍ତି । ତେବେ କର୍ଟିସ ଇନିଂସର ୧୦ମ ଓଭରରେ ଏହି କମାଲ କରିଛନ୍ତି । ସେ ଦ୍ୱିତୀୟରୁ ପଞ୍ଚମ ବଲରେ କଲିନ ଆକରମ୍ୟାନ, ରିୟାନ ଟେନ ଡୋଇଶେ, ସ୍କଟ ଏଡୱାର୍ଡ୍ସଙ୍କୁ ଆଉଟ କରିଛନ୍ତି ।
That's the win!
We've kicked off our @T20WorldCup campaign with a seven-wicket victory. Fittingly, Curtis Campher hit the winning run!
📷 @ICC#BackingGreen ☘️🏏 pic.twitter.com/iTlyujkMaD
— Cricket Ireland (@cricketireland) October 18, 2021
ଏହା ସହ ଅର୍ନ୍ତଜାତୀୟ ଟି-୨୦ କ୍ରିକଟରେ ଲଗାତାର ୪ଟି ୱିକେଟ ନେବାରେ ସେ ଦୁନିଆର ତୃତୀୟ ବୋଲର ଭାବେ ଏବେ ପରିଚିତ ହୋଇଛନ୍ତି । ତେବେ କର୍ଟିସ କ୍ୟାମ୍ପରଙ୍କ ଜନ୍ମ ଦକ୍ଷିଣ ଆଫ୍ରିକାର ଜୋହାନିସବର୍ଗରେ ହୋଇଥିଲା । ସେ ଦକ୍ଷିଣ ଆଫ୍ରିକା ପକ୍ଷରୁ ଅଣ୍ଡର-୧୯ କ୍ରିକେଟ ଖେଳିଥିଲେ । ୨୨ ବର୍ଷୀୟ ଏହି ବୋଲର ଆୟର୍ଲ୍ୟାଣ୍ଡ ପକ୍ଷରୁ ଖେଳିବା ପାଇଁ ନିଷ୍ପତି ନେଇଥିଲେ । କ୍ୟାରିୟରର ପଞ୍ଚମ ଅନ୍ତର୍ଜାତୀୟ ଟି-୨୦ ମ୍ୟାଚ ଖେଳୁଥିବା କ୍ୟାମ୍ଫର ଏହା ପୂର୍ବ ରୁ ପ୍ରଥମ ତିନୋଟି ମ୍ୟାଚରେ ଗୋଟିଏ ବି ୱିକେଟ ନେଇନଥିଲେ ।
ସେ ଅନ୍ତର୍ଜାତୀୟ ଟି-୨୦ କ୍ରିକେଟରେ ୪୦ ରନ କରିଛନ୍ତି । ଦେଖିବାକୁ ଗଲେ ଆଜି ମ୍ୟାଚରେ କର୍ଟିସ ୪ ଓଭରରେ ୨୬ ରନ ଦେଇ ୪ଟି ୱିକେଟ ନେଇଛନ୍ତି । ତାଙ୍କର ଏହି ଦମଦାର ପ୍ରଦର୍ଶନ ବଳରେ ସେ ଆୟର୍ଲ୍ୟାଣ୍ଡ ନେଦରଲ୍ୟାଣ୍ଡକୁ ୧୦୬ ରନରେ ଅଲାଆଉଟ୍ କରିଥିଲେ ।
