ପଟିଆକୁ ଯିବ କ୍ୟାପିଟାଲ ହସ୍ପିଟାଲ

ଭୁବନେଶ୍ୱର (ବଡ଼ ଖବର ବ୍ୟୁରୋ): ବଦଳିବ କ୍ୟାପିଟାଲ ହସ୍ପିଟାଲର ରୂପରେଖ । ପଟିଆକୁ ସ୍ଥାନାନ୍ତର ହେବ ହସ୍ପିଟାଲ । କ୍ୟାପିଟାଲ ହସ୍ପିଟାଲ ଏବଂ ଓଡ଼ିଶା ସ୍ୱାସ୍ଥ୍ୟ ବିଜ୍ଞାନ ବିଶ୍ୱବିଦ୍ୟାଳୟର ରୂପରେଖ ବଦଳିବାକୁ ଯାଉଛି । ଉଭୟ ସ୍ୱାସ୍ଥ୍ୟ ଅନୁଷ୍ଠାନରେ ୩୨୦୦ ଶଯ୍ୟା ରହିବ ଏବଂ ୫୦୦ ଆସନର ପ୍ରେକ୍ଷାଳୟ ପାଇଁ ଯୋଜନା କରାଯାଇଛି । ଏନେଇ ୨ ତାରିଖରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବୈଠକ ହୋଇଥିବା ବେଳେ ଏହି ନିଷ୍ପତ୍ତି ନିଆଯାଇଛି । ଓଡ଼ିଶା ସେତୁ ଓ ନିର୍ମାଣ ନିଗମ, ସ୍ୱାସ୍ଥ୍ୟ ନିର୍ଦ୍ଦେ ଶକ, ଡିଏମଇଟି, ପିଜିଆଇଏମଇଆର ଏବଂ କ୍ୟାପିଟାଲ ହସ୍ପିଟାଲ ନିର୍ଦ୍ଦେ ଶକଙ୍କୁ ଚିଠି ଲେଖାଯାଇଛି । ଉନ୍ନତମାନର ସେବା ଓ ରୋଗୀଙ୍କ ଭିଡ଼ କମାଇବାକୁ ହସ୍ପିଟାଲକୁ ସ୍ଥାନାନ୍ତର କରାଯିବ । ପଟିଆ ମୌଜାରେ କ୍ୟାପିଟାଲ ହସ୍ପିଟାଲ ହେବା ନେଇ ନିଷ୍ପତ୍ତି ନିଆଯାଇଛି । ସାଧାରଣ ପ୍ରଶାସନ ବିଭାଗ ସହିତ ସ୍ୱାସ୍ଥ୍ୟ ବିଭାଗ ମିଳିତ ସହଯୋଗରେ ସ୍ଥାନ ଚିହ୍ନଟ କରାଯିବ । ପ୍ରାୟ ୩୫ ଏକର ସ୍ଥାନରେ ଏହା ନିର୍ମାଣ ନେଇ ଯୋଜନା କରାଯାଇଛି । କ୍ୟାପିଟାଲ ହସ୍ପିଟାଲ