ମେ’ ୪ରୁ ସିବିଏସ୍ଇ ଦଶମ ଓ ଦ୍ୱାଦଶ ପରୀକ୍ଷା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ପାଇଁ ତାରିଖ ଘୋଷଣା କଲା ସିବିଏସ୍ଇ ବୋର୍ଡ । ଏହି ପରୀକ୍ଷା ମେ’ ୪ରୁ ଆରମ୍ଭ ହୋଇ ଜୁନ୍ ୬ରେ ଶେଷ ହେବ । ସେହିପରି ମାର୍ଚ ୧ରୁ ପ୍ରାଟିକାଲ ପରୀକ୍ଷା ଆରମ୍ଭ ହେବ । ଏନେଇ ସୂଚନା ଦେଇଛନ୍ତି ଶିକ୍ଷାମନ୍ତ୍ରୀ ରମେଶ ପୋଖରିଆଲ ନିଶଙ୍କ । ପୂର୍ବରୁ ଜାନୁଆରୀରେ ପରୀକ୍ଷା ହେବାନେଇ ନିଷ୍ପତ୍ତି ନିଆଯାଇଥିଲା । ୨୦୨୧-୨୨ ଶିକ୍ଷାବର୍ଷରୁ ଜାତୀୟ ଶିକ୍ଷା ନୀତିକୁ ପାଳନ କରିବା ପାଇଁ ଶିକ୍ଷାମନ୍ତ୍ରୀ ଏକ ଅନଲାଇନ ବୈଠକ ଡକାଇଥିଲେ । ଏଥିରେ ହଜାରେରୁ ଉଦ୍ଧ୍ୱର୍ କଲେଜର ପ୍ରିନ୍ସପାଲ ଉପସ୍ଥିତ ଥିଲେ । ଏହି ବୈଠକରେ ସିବିଏସଇ ଛାତ୍ରଛାତ୍ରୀଙ୍କ ୪୫ବର୍ଷର ରେକର୍ଡ ଡିଜିଟାଲାଇଜ କରାଯିବା କଥା କୁହାଯାଇଛି ।