ଚାନ୍ଦବାଲି (ବଡ଼ ଖବର ବ୍ୟୁରୋ): ଅସରାଏ ବର୍ଷାରେ ଗାଁ ରାସ୍ତାରେ ଜମି ରହୁଛି ଆଣ୍ଠୁଏ ଆଣ୍ଠୁଏ ପାଣି । ନାହିଁ ନଥିବା ଅସୁବିଧାରରେ ସମୁଖିନ ହେଉଛନ୍ତି ୧୦୦ରୁ ଅଧିକ ପରିବାର । ବିଭିନ୍ନ ଅଜଣା ରୋଗରେ ଆକ୍ରାନ୍ତ ହେଉଛନ୍ତି ଲୋକେ । ଏମିତି ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଖେରଙ୍ଗ ପଞ୍ଚାୟତ ମାଝି ସାହି ଗ୍ରାମରେ। ସୂଚନା ମୁତାବକ ପାଣି ନିଷ୍କାସନ ପାଇଁ ସମସ୍ତ ଭିତିଭୂମି ଥିବାବେଳେ କିଛି ସ୍ଥାନୀୟ ଲୋକେ ସରକାରୀ ଜାଗାକୁ ଜବରଦଖଲ କରିଛନ୍ତି । ଫଳରେ ପାଣି ନିଷ୍କାସନ ପାଇଁ ଡ୍ରେନେଜ କରିବାରେ ବାଧା ସୃଷ୍ଟି ହେଉଛି।
ଏନେଇ ସ୍ଥାନୀୟ ଲୋକେ ସରପଞ୍ଚ ଏବଂ ବିଭାଗୀୟ ଅଧିକାରୀମାନଙ୍କୁ ଦାୟୀ କରିଛନ୍ତି। ରାଜ୍ୟ ସରକାର ନିର୍ଦ୍ଦେଶ ସମସ୍ତ ଗ୍ରାମକୁ ପକ୍କା ସଡ଼କ ନିର୍ମାଣ ସହିତ ରାସ୍ତାର ପାଣି ନିଷ୍କାସନ ପାଇଁ ଡ୍ରେନେଜ ବ୍ୟବସ୍ଥା କରାଯିବ ପାଇଁ ନିର୍ଦ୍ଦେଶ ଥିବାବେଳେ ମାଝି ସାହିକୁ କିଛି ସ୍ଥାନୀୟ କୁଜିନେତା ଏବଂ ଅସାଧୁ ବିଭାଗୀୟ ଯନ୍ତ୍ରି ଅବହେଳା କରୁଥିବା କହିଛନ୍ତି ମାଝି ସାହିର ଲୋକେ। ଏନେଇ ଆନେକ ଥର ମାଝି ସାହିର ଲୋକେ ପଞ୍ଚାୟତ ସରପଞ୍ଚ ପାଖରେ ଆରମ୍ଭ କରି ବିଡ଼ିଓଙ୍କୁ ଅଭିଯୋଗ କରିଥିଲେ ମଧ୍ୟ ସମସ୍ୟାର ସମାଧାନ ହୋଇ ପାରିନାହିଁ। ମାଝୀ ସାହିବାସୀଙ୍କ କହିବା କଥା ଯଦି ବ୍ଲକ ପ୍ରସାସନ ଆମ ଅଭିଯୋଗ ନଶୁଣନ୍ତି ବ୍ଲକ ଆଗରେ ଆମରଣ ଅନଶନରେ ବସିବୁ।
