ରଥ ତିଆରି ପାଇଁ ଗଲା ରଥ କାଠ
ଦଶପଲ୍ଲା (ବଡ଼ ଖବର ବ୍ୟୁରୋ): ୨୦୨୬ ମସିହାରେ ଅନୁଷ୍ଠିତ ହେବାକୁ ଥିବା ପବିତ୍ର ଘୋଷଯାତ୍ରା ଉପଲକ୍ଷେ ଆଜି ପ୍ରଥମ ପର୍ଯ୍ୟାୟ ରଥକାଠ ଦଶପଲ୍ଲା ବନାଞ୍ଚଳ ଅନ୍ତର୍ଗତ ଟାକରା ଫରେଷ୍ଟ ସେକ୍ସନରୁ ପୁରୀ ଅଭିମୁଖେ ପଠାଯାଇଛି। ଗତକାଲି ବନବିଭାଗ ଓ ମିଟୁକୁଳି ଭିଏସଏସ କମିଟି ସମନ୍ୱୟରେ ପାରମ୍ପରିକ ବିଧି ମତେ ପୂଜାର୍ଚ୍ଚନା କରି ନାମ ସଂକୀର୍ତନ ତାଳେ ତାଳେ ରଥକାଠ ବୋଝେଇ ୨ଟି ଟ୍ରକକୁ ଶ୍ରୀକ୍ଷେତ୍ର ଧାମ ପୁରୀ ଅଭିମୁଖେ ପ୍ରେରଣ କରାଯାଇଥିଲା।
ଆଜି ମହାବୀର କ୍ଷେତ୍ର ଦଶପଲ୍ଲାର ଶ୍ରୀଶ୍ରୀମହାବୀର ମନ୍ଦିରରେ ପୂଜାର୍ଚ୍ଚନା ପରେ ପୁରୀ ଶ୍ରୀମନ୍ଦିର ଅଭିମୁଖେ ବାହାରିଛି। ଏହି ଉତ୍ସବରେ ବନପାଳ ରାକେଶ କୁମାର ସାହୁ, ବନାଞ୍ଚଳ ଅଧିକାରୀ ଶ୍ରୀନିବାସ ଦାସ ଓ ଆଦିବାସୀ ନେତା ଧନେଶ୍ୱର ଯାନୀ, ନବ କିଶୋର ଯାନୀ ଓ ଗ୍ରାମର ଅନେକ ପୁରୁଷ ମହିଳା ଉପସ୍ଥିତ ରହିଥିଲେ। ୨ଟି ଟ୍ରକରେ ସର୍ବମୋଟ ୪୮ଖଣ୍ଡ କାଠ ଅସନ ଓ ଧଉରା କାଠ ପୁରୀ ଅଭିମୁଖେ ଯାଉଥିବା ବନାଞ୍ଚଳଅଧିକାରୀ ଶ୍ରୀବାସ ଦାସ କହିଛନ୍ତି।ଗୋଟିଏ ଟ୍ରକରେ ୨୫ଖଣ୍ଡ କାଠ ଯାଉଥିବାବେଳେ ଅନ୍ୟଟିରେ ୨୩ଖଣ୍ଡ କାଠ ଯାଉଥିବା ଜଣାପଡିଛି ।