ନୂଆଦିଲ୍ଳୀ (ବଡ଼ ଖବର ବ୍ୟୁରୋ): କୁନୋ ପାର୍କରୁ ଚିତା ଫେରାର୍ । ସ୍ଥାନୀୟ ଗାଁରେ ପଶିଲା ଚିତା । ଭୟଭିତ ଗ୍ରାମବାସୀ । ପାର୍କ ଠାରୁ ୨୦ କିଲୋମିଟର ଦୂର ଗାଁ ନିକଟରେ ତାକୁ ଠାବ କରାଯାଇଛି । ଏପରିକି ଚିତାଟି ଗାଁରେ ଏକ ଗାଈକୁ ମଧ୍ୟ ଶିକାର କରିଛି । ଚିତା ଭୟରେ ଗାଁ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି । ଚିତା ଦେହରେ ଲାଗିଥିବା ରେଡିଓ କଲାରରୁ ଜଣାପଡ଼ିବା ପରେ ଜଙ୍ଗଲ ବିଭାଗ ଓ ଚିତା ମିତ୍ରମାନେ ଗାଁରେ ପହଞ୍ଚିଛନ୍ତି । ଏହି ଟିମରେ ପ୍ରାୟ ୫୦ ଜଣ ଅଧିକାରୀ, ବିଶେଷଜ୍ଞ, ଡାକ୍ତର ଓ କର୍ମଚାରୀ ଅଛନ୍ତି । ସେମାନେ ଚିତାକୁ ପାର୍କକୁ ଫେରାଇ ଆଣିବାକୁ ଚେଷ୍ଟା କରୁଛନ୍ତି । ପ୍ରଥମେ ତାକୁ ମାଂସରେ ନିଶା ଔଷଧ ମିଶାଇ ବେହୋସ୍ କରାଯିବା ପରେ ପାର୍କକୁ ଫେରାଇ ଅଣାଯିବ । ନହେଲେ ଟ୍ରାଙ୍କୁଲାଇଜ୍ କରାଯାଇ ପିଞ୍ଜରାରେ ପୁଣି ପାର୍କକୁ ଫେରାଇ ଅଣାଯିବ ।
