ଅସହାୟଙ୍କ ବନ୍ଧୁ ମୋହନ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଅସହାୟଙ୍କୁ ମୋହନଙ୍କ ସହାୟତା । ଲୋକଙ୍କ ସରକାରରେ ଲୋକଙ୍କ ମୁଖ୍ୟମନ୍ତ୍ରୀ । ରହିବନି ଆଉ ରାଜ୍ୟବାସୀଙ୍କ ସମସ୍ୟା । ଦୁଃଖିରଙ୍କିଙ୍କ ଆଖିରୁ ବୋହିବନି ଲୁହ । ଅକାମୀ ପ୍ରକୋଷ୍ଟକୁ କାମରେ ଲଗାଇ ମୋହନ ଶୁଣୁଛନ୍ତି ଲୋକଙ୍କ କଥା । ଲୋକ ଓ ସରକାର ଭିତରେ ଥିବା ପାଚେରିକୁ ଭାଙ୍ଗି ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଦୀର୍ଘ ୨୪ବର୍ଷ ଧରି ବନ୍ଦ ପଡିଥିବା ଅଭିଯୋଗ ପ୍ରକୋଷ୍ଟ ଏବେ ଚଳଚଞ୍ଚଳ ହୋଇଉଠିଛି ।

ଦାୟିତ୍ୱ ନେବା ଦିନଠାରୁ ନିଜର ସରକାରୀ କାର୍ଯ୍ୟକ୍ରମ ସାଙ୍ଗକୁ ଲୋକଙ୍କ ସମସ୍ୟା ଶୁଣି ତାର ସମାଧାନ ପାଇଁ ବସାଉଛନ୍ତି ଦରବାର । ଏହାରି ଭିତରେ ପାଞ୍ଚ ଥର ଗ୍ରୀଭାନ୍ସ ନେଇ ଥିବାବେଳେ ୮୦ପ୍ରତିଶତ ଲୋକଙ୍କ ସମସ୍ୟା ସମାଧାନ ହୋଇଥିବା ଜଣାପଡ଼ିଛି । ଏକା ନୁହେଁ ସାଥିରେ ନିଜର ମନ୍ତ୍ରୀ ପରିଷଦର ସଦସ୍ୟଙ୍କୁ ବି ବସାଇ ଲୋକଙ୍କ ସମସ୍ୟାର ସମାଧାନ କରିବା ଫଳରେ ଜନତା ଖୁସି ଥିବା ଦେଖିବାକୁ ମିଳିଛି । ନବୀନ ଓ ଜନତାଙ୍କ ଭିତରେ ଥିବା ଦୂରତାକୁ ଭେଦ କରିଛନ୍ତି ମୋହନ ।

ସୋମବାରକୁ ସୋମବାର ଅଭିଯୋଗ ପ୍ରକୋଷ୍ଟକୁ ଯାଇ ଲୋକଙ୍କୁ ଭେଟି ଶୁଣୁଛନ୍ତି ଅସହାୟଙ୍କ ଦୁଃଖ । ଯାହାକୁ ନେଇ ମନ୍ତ୍ରୀ ମୁକେଶ ମହାଲିଙ୍ଗ କହିଛନ୍ତି ୨୪ବର୍ଷ ଧରି ଲୋକଙ୍କୁ ସମସ୍ୟାରେ ପକାଇବା ଛଡା ପୂର୍ବତନ ସରକାର ଆଉ କିଛି କହିପାରିନାହାନ୍ତି । ଆମ ସରକାର ସମସ୍ୟା ଜାଣିବା ମାତ୍ରେ ସମାଧାନ ଦିଗରେ କାର୍ଯ୍ୟ କରୁଛନ୍ତି । ବର୍ଷବର୍ଷ ଧରି ସାହାରା ଖୋଜିଖୋଜି ବେସାହାର ହୋଇପଡିଥିଲେ ରାଜ୍ୟବାସୀ । ହୁଏତ ଆଜି ତାଙ୍କୁ ମିଳିପାରିଛି ମୋହନ ସାହାରା ।