ପଞ୍ଜାବ ମୁଖ୍ୟମନ୍ତ୍ରୀଙ୍କୁ ମାରିଦେବାକୁ ଧମକ
ପଞ୍ଜାବ (ବଡ଼ ଖବର ବ୍ୟୁରୋ): ପଞ୍ଜାବ ମୁଖ୍ୟମନ୍ତ୍ରୀ ଭଗୱନ୍ତ ମାନଙ୍କୁ ଜୀବନରୁ ମାରିଦେବାକୁ ଧମକ ମିଳିଛି । ଖଲିସ୍ତାନୀ ଆତଙ୍କବାଦୀ ଗୁରୁପତୱନ୍ତ ସିଂ ପନ୍ନୁ ତାଙ୍କୁ ଜୀବନରୁ ମାରିବାକୁ ଧମକ ଦେଇଛନ୍ତି । ଆତଙ୍କବାଦୀ ପନ୍ନୁ ଏକ ନୂତନ ଭିଡିଓ ଜାରି କରିଛନ୍ତି ଯେଉଁଥିରେ ସେ ପଞ୍ଜାବର ଗ୍ୟାଙ୍ଗଷ୍ଟରମାନଙ୍କୁ ତାଙ୍କ ସହ ଯୋଗାଯୋଗ କରିବାକୁ କହିଛନ୍ତି। ୨୬ ଜାନୁଆରୀରେ ଗଣତନ୍ତ୍ର ଦିବସରେ ମାହୋଲ ନଷ୍ଟ କରିବାକୁ ଖାଲିସ୍ତାନୀ ଆତଙ୍କବାଦୀ ଧମକ ଦେଇଛନ୍ତି।
ରାଜ୍ୟରେ ଆଇନ ଶୃଙ୍ଖଳା ରକ୍ଷା ପାଇଁ ପଞ୍ଜାବ ପୋଲିସର ଉଦ୍ୟମକୁ ଖାଲିସ୍ତାନୀ ଆତଙ୍କବାଦୀ ସମାଲୋଚନା କରିଛନ୍ତି। ବାସ୍ତବରେ ପନ୍ନୁ ପଞ୍ଜାବରେ ହୋଇଥିବା ଏନକାଉଣ୍ଟର ବିଷୟରେ କହୁଥିଲେ। ଏହା ସହିତ ପନ୍ନୁ ପଞ୍ଜାବର ଗ୍ୟାଙ୍ଗଷ୍ଟରମାନଙ୍କୁ ଭିଡିଓରେ ତାଙ୍କ ସହ ଯୋଗାଯୋଗ କରିବାକୁ କହିଛନ୍ତି।ଏହାପୂର୍ବରୁ ରାମମନ୍ଦିରର ପ୍ରତିଷ୍ଠା ସମାରୋହକୁ ନେଇ ଭାରତ ସରକାରଙ୍କୁ ଟାର୍ଗେଟ କରିଥିଲା ପନ୍ନୁ । ଏହି ସମାରୋହକୁ ମୁସଲିମ ସମୁଦାୟ ବିରୋଧ କରନ୍ତୁ ବୋଲି ଆହ୍ୱାନ ଦେଇଥିଲା ପନ୍ନୁ ।