ଆଚରଣ ବିଧି ଉଲ୍ଲଙ୍ଘନ ବିରୋଧରେ ଦାବିପତ୍ର

ପୁରୀ (ବଡ଼ ଖବର ବ୍ୟୁରୋ): ପୁରୀ ବ୍ରହ୍ମଗିରିର ବିଜେଡି ବିଧାୟକ ପ୍ରାର୍ଥୀ ଉମାକାନ୍ତ ସାମନ୍ତରାୟଙ୍କ ବିରୋଧରେ ଆସିଥିବା ନିର୍ବାଚନ ଆଚରଣ ବିଧି ଉଲଘଂନ ମାମଲାର କାର୍ଯ୍ୟାନୁଷ୍ଠାନ ଦାବି ।  ଯାହାକୁ ନେଇ ପୁରୀ ବିଜେପି ପକ୍ଷରୁ ଏକ ଦାବିପତ୍ର ଜିଲ୍ଲାନିର୍ବାଚନ ଅଧିକାରୀଙ୍କୁ ପ୍ରଦାନ କରଯାଇଛି। ଘଟଣା ଘଟିବାର ୨୪ ଘଣ୍ଟାରୁ ଅଧିକ ସମୟ ହୋଇଥିବାବେଳେ ରାଜ୍ୟ ନିର୍ବାଚନ କମିଶନଙ୍କ ଗାଇଡଲାଇନ୍ ଅନୁଯାୟୀ କୌଣସି କାର୍ଯ୍ୟାନୁଷ୍ଠାନ ନନେବାରୁ ଏହାର ପ୍ରତିବାଦରେ ପୁରୀ ବିଜେପି ପକ୍ଷରୁ ଏହି ଦାବିପତ୍ର ପ୍ରଦାନ କରାଯାଇଛି। ତୁରନ୍ତ ଏ ଦିଗରେ କଡ଼ା କାର୍ଯ୍ୟାନୁଷ୍ଠାନ ପାଇଁ ବିଜେପି ଦାବି କରିଛି।

ତେବେ ପୁରୀ ଅଠରନଳା ନିକଟରେ ଏକ କଲ୍ୟାଣମଣ୍ଡପରେ କିଛି ମହିଳା ଗୋଷ୍ଠୀଙ୍କୁ ବିଜେଡି ଏକତ୍ରିତ କରି ଆଗାମୀ ନିର୍ବାଚନରେ ଶାସକ ଦଳର ଯୋଜନା ଅନୁଯାୟୀ କାର୍ଯ୍ୟ କରିବା, ଟଙ୍କା ବଣ୍ଟନରେ ସହଯୋଗ କରିବାକୁ ନେଇ ଏକ ବୈଠକ ହୋଇଥିବା ପୁରୀ ବିଜେପି ଅଭିଯୋଗ କରିଥିଲା। ବ୍ରହ୍ମଗିରି ବିଜେଡି ବିଧାୟକ ପ୍ରାର୍ଥୀ ଉମାକାନ୍ତ ସାମନ୍ତରାୟଙ୍କ ପୌରଚୋନାରେ ତାଙ୍କ ପତ୍ନୀଙ୍କ ଉପସ୍ଥିତରେ ଏହି ବେଆଇନ କାର୍ଯ୍ୟ ହୋଇଥିବା ବିଜେପି ଅଭିଯୋଗ କରିଥିଲା। ଏ ନେଇ ଫ୍ଲାଇଙ୍ଗ ସ୍କ୍ୱାର୍ଡକୁ ଖବର ଦିଆଯାଇଥିଲେ ମଧ୍ୟ କୌଣସ କାର୍ଯ୍ୟନୁଷ୍ଠାନ ହୋଇନଥିବା ବିଜେପି ଆଭିଯୋଗ କରିଥିବା ବେଳେ ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ଦାବି କରିଛି ।