ସୁଦାନରେ ସଂଘର୍ଷ, ମୃତ୍ୟୁସଂଖ୍ୟା ୪୧୩କୁ ବୃଦ୍ଧି

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):ସୁଦାନରେ ସେନା ଏବଂ ସାମରିକ ବାହିନୀ ମଧ୍ୟରେ ସଙ୍ଘର୍ଷ ଜାରି ରହିଛି । ସଙ୍ଘର୍ଷରେ ଏପର୍ଯ୍ୟନ୍ତ ୪୧୩ ଜଣଙ୍କର ମୃତ୍ୟୁ ହୋଇଛି । ହିଂସାକାଣ୍ଡରେ ବଳି ପଡୁଛନ୍ତି ସାଧାରଣ ଜନତା । ଏ ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ ସୂଚନା ଦେଇଛି । କେବଳ ସେତିକି ନୁହେଁ, ମୃତ୍ୟୁ ଅନୁସାରେ ଆହତଙ୍କ ସଂଖ୍ୟା ମଧ୍ୟ ବଢିବାରେ ଲାଗିଛି । ଏଥିସହ ଭାରତ ସମେତ ଅନ୍ୟ ଦେଶର ୯୧ ଜଣ ଲୋକ ସାଉଦି ଆରବର ସୁରକ୍ଷା ଅଧୀନରେ ପ୍ରଥମ ଥର ପାଇଁ ସୁଦାନରୁ ନିରାପଦରେ ବାହାରିଛନ୍ତି ।

ହିଂସାକାଣ୍ଡରେ ୩୫୫୧ଜଣ ଆହତ ହୋଇ ମେଡିକାଲରେ ଭର୍ତ୍ତି ହୋଇଥିବା ବେଳେ ଚିକିତ୍ସା ଜାରି ରହିଥିବା ବେଳେ ମେଡିକାଲ ଉପରେ ମଧ୍ୟ ଆକ୍ରମଣ କରାଯାଇଥିବା ସୂଚନା ମିଳିଛି । ଫଳରେ ହସ୍ପିଟାଲ ଭିତରେ ସ୍ୱାସ୍ଥ୍ୟ ସେବା ଯୋଗାଇଦେବାରେ ସମସ୍ୟା ଦେଖା ଦେଇଛି ।