ବିଜେପି ତା’ର କୌଣସି ପ୍ରତିଶ୍ରୁତି ପାଳନ କରିନାହିଁ: ମଲ୍ଲିକାଜ୍ଜୁର୍ନ ଖଡ଼ଗେ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେଙ୍କ ଦାବି । ୫ ରାଜ୍ୟରେ କଂଗ୍ରେସ ଗଢିବ ସରକାର । ଆସନ୍ତା ମାସରେ ଦେଶର ୫ଟି ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏହି ସମୟରେ ନିର୍ବାଚନ ଫଳାଫଳ ସମ୍ପର୍କରେ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଦାବି କରିଛନ୍ତି ଯେ ସେ ନିଶ୍ଚିତ ଭାବେ ୫ଟି ରାଜ୍ୟରେ ଜିତିବେ।
ଏହି ସମୟ ମଧ୍ୟରେ ସେ ବିଜେପିକୁ ଟାର୍ଗେଟ କରିଛନ୍ତି। ସେ କହିଛନ୍ତି ମୁଦ୍ରାସ୍ଫୀତି ଏବଂ ବେକାରୀ ଯୋଗୁ ଲୋକମାନେ ଅସୁବିଧାରେ ପଡ଼ିଛନ୍ତି । ବିଜେପି ତା’ର କୌଣସି ପ୍ରତିଶ୍ରୁତି ପାଳନ କରିନାହିଁ। ଇଣ୍ଡିଆ ଗଠବନ୍ଧନ ଆସନ ବାଣ୍ଟିବା ପ୍ରସଙ୍ଗରେ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ କହିଛନ୍ତି, ପ୍ରଥମେ ୫ଟି ରାଜ୍ୟରେ ନିର୍ବାଚନ ସରିବା ପରେ ଆମେ ମେଣ୍ଟ ବିଷୟରେ ଚିନ୍ତା କରିବୁ ।