ଦେଶରେ ଖସୁଛି କରୋନା ଗ୍ରାଫ, ଆଜି ୭୦ହଜାର ଆକ୍ରାନ୍ତ ଚିହ୍ନଟ
ନୁଆଦୀଲ୍ଲି (ବଡ଼ ଖବର ବ୍ୟୁରୋ): ଦେଶରେ ଖସୁଛି କରୋନା ଗ୍ରାଫ । ଗତ ଚବିଶ ଘଣ୍ଟାରେ ଦେଶରେ ୭୦ହଜାର ୪୯୬ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଉ ୯୬୫ ମୁଣ୍ଡ ନେଇଛି ମହାମରୀ କରୋନା । ଏହାକୁ ମିଶାଇ ଦେଶରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୬୯ଲକ୍ଷ ୬ହଜାର୧୫୨କୁ ବୃଦ୍ଧି ପାଇଛି । ସେମାନଙ୍କ ମଧ୍ୟରୁ ୫୯ଲକ୍ଷ ୬ହଜାର ୭୦ଜଣ ସୁସ୍ଥ ହୋଇସାରିଥିବା ବେଳେ ୧ଲକ୍ଷ ୬ହଜାର ୪୯୦ଜଣଙ୍କ ମୃତ୍ୟୁ ହୋଇଛି । ବର୍ତ୍ତମାନ ଦେଶରେ ୮ଲକ୍ଷ ୯୩ହଜାର ୫୯୨ଟି ସକ୍ରିୟ ମାମଲା ରହିଛି । ଗତମାସ ତୁଳନାରେ ଚଳିତ ମାସରେ ଆକ୍ରାନ୍ତ ଓ ମୃତକଙ୍କ ସଂଖ୍ୟା ହ୍ରାସ ପାଇବା ସହ ସୁସ୍ଥହାର ମାଧ୍ୟ ବଢିଛି ।